Соли 2018 нақшаи генералии 57 шаҳру ноҳияҳо таҳия ва тасдиқ гардид

ДУШАНБЕ, 29.01.2018. /АМИТ «Ховар»/. Соли 2018 аз ҷониби Кумитаи меъморӣ ва сохтмони назди Ҳукумати  Ҷумҳурии Тоҷикистон нақшаи генералии 57 шаҳру ноҳияҳо таҳия ва бо қарорҳои Ҳукумати мамлакат тасдиқ гардид. Дар ин бора раиси Кумитаи меъморӣ ва сохтмони назди Ҳукумати Ҷумҳурии Тоҷикистон Ҷамшед Аҳмадзода имрӯз зимни нишасти матбуотии ин ниҳод хабар дод.

Ба иттилои номбурда, лоиҳаҳои нақшаи генералии маркази ноҳияҳои Мир Саид Алии Ҳамадонӣ, Бобоҷон Ғафуров ва шаҳри Бӯстон бо вазорату идораҳои дахлдор мувофиқа гардида, барои тасдиқ ба Ҳукумати Ҷумҳурии Тоҷикистон пешниҳод карда шуданд.

«Лоиҳаи нақшаҳои генералии шаҳрҳои Роғун, Гулистон ва ноҳияи Шаҳритус мавриди мувофиқа қарор дошта, таҳияи лоиҳаи нақшаҳои генералии ноҳияҳои Данғара ва Фархор идома дорад», — илова намуд  Ҷамшед Аҳмадзода.

Ёдовар мешавем, ки таъмини шаҳру ноҳияҳои ҷумҳурӣ бо нақшаҳои генералӣ ва нақшаҳои муфассал яке аз вазифаҳои аввалиндараҷаи Кумитаи меъморӣ ва сохтмони назди Ҳукумати Ҷумҳурии Тоҷикистон мебошад.