Вазири корҳои хориҷии Тоҷикистон дар нахустин Муколамаи «Ҳиндустон-Осиёи Марказӣ-Афғонистон» иштирок намуд
ДУШАНБЕ, 14.01.2019 /АМИТ «Ховар»/. 12-13 январи соли 2019 Вазири корҳои хориҷии Ҷумҳурии Тоҷикистон Сироҷиддин Муҳриддин дар нахустин Муколамаи «Ҳиндустон-Осиёи Марказӣ-Афғонистон» дар сатҳи вазирони корҳои хориҷӣ иштирок намуд.
Тавре аз Вазорати корҳои хориҷии Ҷумҳурии Тоҷикистон ба АМИТ «Ховар» хабар доданд, дар муколама Вазири корҳои хориҷии Ҷумҳурии Ҳиндустон хонум Сушма Свараҷ ва Вазири корҳои хориҷии Ҷумҳурии Ӯзбекистон Абдулазиз Комилов раисӣ карданд.
Инчунин дар муколама роҳбарони мақомоти сиёсати хориҷии Ҷумҳурии Қазоқистон Бейбут Атамкулов, Ҷумҳурии Қирғизистон Чингиз Айдарбеков, Ҷумҳурии Тоҷикистон Сироҷиддин Муҳриддин, Туркманистон Рашид Мередов иштирок намуданд.
Муколама аз ду сессияи пленарӣ дар мавзӯъҳои «Ҳиндустон-Осиёи Марказӣ» ва «Ҳиндустон-Осиёи Марказӣ-Афғонистон» иборат буд.
Дар сессияи «Ҳиндустон-Осиёи Марказӣ» дар мавриди доираи васеи масъалаҳои рушди ҳамкории судманд ва тақвияти равобити дӯстона байни кишварҳои Осиёи Марказӣ бо Ҳиндустон, аз ҷумла тадбирҳо оид ба мусоидат ба тиҷорати мутақобила, дурнамои таҳкими ҳамкорӣ дар самти ҷалби сармоя, инноватсия ва технология ба иқтисодиёти минтақавӣ, рушди иқтидори нақлиёти транзитӣ ва коммуникатсионии кишварҳои Осиёи Марказӣ, афзоиши сайёҳон, лоиҳаҳои мушаххаси муштарак дар соҳаи илм, тандурустӣ, маориф ва варзиш таваҷҷуҳи махсус зоҳир карда шуд.
Дар нишаст оид ба мавзӯи «Ҳиндустон-Осиёи Марказӣ-Афғонистон» Вазири корҳои хориҷии Ҷумҳурии Исломии Афғонистон Салоҳиддин Раббонӣ бо ҳайати ҳамроҳаш иштирок намуд.
Вазирони корҳои хориҷии Ҳиндустон ва Осиёи Марказӣ иштироки ҳайати воломақоми Афғонистонро дар мулоқоти аввалини худ хуш пазируфта, уҳдадориҳояшонро оид ба ривоҷи иқтисоди Афғонистон бо роҳи татбиқи лоиҳаҳои инфрасохтории муштарак, транзитӣ, энергетикӣ ва дигар лоиҳаҳое, ки ба ҳамгироии Афғонистон ба системаи муносибатҳои иқтисодии минтақавӣ ва ҷаҳонӣ мусоидат мекунанд, таъкид намуданд.
Иштироккунандагони муколама омодагии худро оид ба баргузории Конфронси 8-уми минтақавии ҳамкории иқтисодӣ оид ба Афғонистон (REССА VIII), ки дар нимсолаи дуюми 2019 дар Тошканд пешбинӣ шудааст, тасдиқ карданд.
Дар фарҷоми муколама дар бораи оғози механизми муколамаи «Ҳиндустон-Осиёи Марказӣ» дар сатҳи вазирони корҳои хориҷӣ Изҳороти муштарак қабул гардид.
РАВАНДИ ОБИ ДУШАНБЕ. Дар дафтари СММ дар Арабистони Саудӣ оид ба Конфронси Душанбе чорабинӣ доир гардид
Нақши Тоҷикистон ҳамчун пешбарандаи дипломатияи об дар ҳамоиши байналмилалӣ дар Абузабӣ таъкид гардид
Дар Туркманистон бахшида ба Рӯзи ҷавонони Тоҷикистон вохӯрӣ баргузор гардид
Сафири Тоҷикистон бо муовини Вазири корҳои хориҷии Лаҳистон мулоқот намуд
Ҳамкории мутақобили судманди Тоҷикистон бо Созмони байналмилалии ҳуқуқи рушд баррасӣ гардид
РАВАНДИ ОБИ ДУШАНБЕ. Дар Конфронси чоруми Душанбе се санади муҳими ҷамъбастӣ қабул карда мешаванд
Аҳднома оид ба ҳамҷавории неку абадӣ, дӯстӣ ва ҳамкорӣ байни Ҷумҳурии Тоҷикистон ва Ҷумҳурии Мардумии Чин ба имзо расид
РАВАНДИ ОБИ ДУШАНБЕ. Зиёда аз 110 ҳайати расмии давлатҳои аъзои СММ иштироки худро дар конфронс тасдиқ намуданд
Дастовардҳо ва иқтидори Тоҷикистон дар соҳаи зеҳни сунъӣ дар Амрико муаррифӣ гардид
Ҳамкории иқтисодию тиҷоратии Тоҷикистон ва Лаҳистон баррасӣ гардид
Сафири Тоҷикистон ба намояндагони расонаҳои Покистон оид ба ташаббусҳои байналмилалии мамлакат маълумот дод
Раиси Ҷумҳурии Мардумии Чин Си Ҷинпин: «Таҳти роҳбарии Эмомалӣ Раҳмон Тоҷикистон дар бунёди давлатдорӣ ба дастовардҳои назаррас ноил гардид»
