Ҳаҷми умумии маҳсулоти истеҳсолгардида дар Хуҷанд бори нахуст аз сатҳи 1 миллиард сомонӣ зиёд гардид-бардошт аз нишасти матбуотӣ

Февраль 4, 2019 11:02

ХУҶАНД, 04.02.2019. /АМИТ «Ховар»/.  Ба ифтихори 30-солагии Истиқлолияти давлатии Ҷумҳурии Тоҷикистон дар маркази вилояти Суғд — шаҳри Хуҷанд корҳои ободониву бунёдкорӣ васеъ ба роҳ монда шудаанд. Давоми се соли минбаъда тибқи нақша бунёди 510 иншооти иҷтимоиву иқтисодӣ дар назар аст. Аз ҷумла, навсозии Қалъаи Хуҷанд ва меҳмонхонаи овозадори «Ленинобод», бунёди Боғи Абӯмаҳмуди Хуҷандӣ ва бинои планетарияи нав, роҳи танобӣ ва тарабхонаҳои замонавии «Темурмалик» ва «Фарел» аз зумраи ин иншоот мебошанд.  Ин матлабро раиси шаҳри Хуҷанд Маъруф МУҲАММАДЗОДА  зимни нишасти матбуотӣ ба рӯзноманигорон баён дошт.

Зикр шуд, ки соли 2018 аз маркази вилояти Суғд ва ҷойҳои таърихии он беш аз 64 ҳазор нафар сайёҳ, аз ҷумла 4300 нафар сайёҳи хориҷӣ диданд намуданд. Ҳаҷми хизматрасонӣ дар ин давра дар маҷмӯъ 2,7 млн сомониро дар бар гирифт.

Инчунин зимни нишасти матбуотӣ вобаста ба соҳаи иқтисодиёт гуфта шуд, ки соли гузашта аз ҷониби 163 коргоҳи хурду бузурге, ки 88 намуд маҳсулоти саноатӣ истеҳсол мекунанд, ҳаҷми 63 намуди он нисбат ба соли қаблӣ зиёда аз сад фисад таъмин гардид.

Дар ин давра робитаҳои иқтисодии шаҳри Хуҷанд бо 45 мамлакати дуру наздик ба роҳ монда шуда, ҳаҷми гардиши савдои хориҷӣ ба 290,2 миллион доллари амрикоӣ расидааст. Аз ҷумла, дар ин давра 11 корхонаи саноатӣ ба маблағи 188,4 млн. сомонӣ ба давлатҳои хориҷии дуру наздик маҳсулот содирот карда, аз ҷониби 54 адад корхонаҳои хурду калон ба маблағи 318,9 млн. сомонӣ маҳсулоти ивазкунандаи воридотӣ истеҳсол гардиданд.

«Дар маҷмӯъ ҳаҷми умумии маҳсулоти истеҳсолгардида бори нахуст аз сатҳи 1 миллиард сомонӣ зиёд гардида, он ба 1 млрд 033,3 миллион сомонӣ расид. Ин нисбат ба  соли 2017 11,6 фоиз зиёд аст», — афзуд раиси шаҳр М.Муҳаммадзода.

Февраль 4, 2019 11:02

Хабарҳои дигари ин бахш

Ҳайати вилояти Сурхондарёи Узбекистон ба вилояти Хатлони Тоҷикистон омад
Муовини Сарвазири Тоҷикистон Сулаймон Зиёзода бо вазъи истифодаи замин дар минтақаи Рашт шинос гардид
«РОҲҲОИ ОБОДИ БАЙНИ ДЕҲОТ». Таҳти чунин унвон Вазорати нақлиёти Тоҷикистон озмун эълон намудааст
Завқӣ Завқизода ва Андреас Шнайдер масъалаи ҷалби грантҳоро барои рушди минтақаҳо баррасӣ намуданд
Маҳсулоти нассоҷии Тоҷикистон бори аввал дар намоишгоҳи «Central Asian Fashion» муаррифӣ мешавад
«ПОМИР-ИНВЕСТ 2022». Дар Вилояти Мухтори Кӯҳистони Бадахшон Форуми байналмилалии соҳибкорӣ доир мегардад
Модели динамикии мувозинати умумии макроиқтисодӣ барои иқтисоди Тоҷикистон муаррифӣ шуд
ГУБЕРНАТОР АЗ СИБИР БА ТОҶИКИСТОН МЕОЯД. Вилояти Хатлони мо ва вилояти Омски Русия созишномаи ҳамкорӣ омода мекунанд
Раиси «Амонатбонк» Сироҷиддин Икромӣ бо кормандони марказҳои хизматрасонии бонкии Бадахшон мулоқот намуд
Қатораи мусофирбар дар хатсайри Кӯлоб–Волгоград–Кӯлоб ҳафтаи оянда ба роҳ мебарояд
Тоҷикистон ва Гурҷистон масоили ба роҳ мондани алоқаи ҳавоиро матраҳ намуданд
ИШТИРОК КУНЕД, ДАЛЕРОНА КӮШЕД ВА ҒАЛАБА НАМОЕД! Озмуни Ҷоизаи ИДМ дар самти дастовардҳо дар соҳаи сифати маҳсулот ва хизматрасонӣ барои соли 2023 эълон гардид

Маводҳои таҳлилӣ