Дар Донишкадаи соҳибкорӣ ва хизмат оид ба муаррифии китоби «Уфуқҳои истиқлол»-и Пешвои миллат ҳамоиши илмӣ доир гардид
ДУШАНБЕ, 16.02.2019. /АМИТ «Ховар»/. Дар Донишкадаи соҳибкорӣ ва хизмати Тоҷикистон нишасти илмӣ, бахшида ба муаррифии китоби тозанашри Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон «Уфуқҳои истиқлол» доир гардид. Дар ин бора аз Донишкадаи соҳибкорӣ ва хизмат ба АМИТ «Ховар» хабар доданд.
Нишасти илмиро ректори донишкада, профессор Фозил Обидов ифтитоҳ намуда, нуктаҳои муҳими китоби тозанашри «Уфуқҳои истиқлол»-ро муфассал манзури ҳозирин гардонид. Ректори донишкада иброз намуд, ки ташвиқот ва ҷонибдорӣ намудани ташаббусҳо ва ғояҳои ватандӯстона, адолатпарварона ва инсондӯстонаи Пешвои миллат муҳтарам Эмомалӣ Раҳмон миёни аҳли илм ва адаб яке аз самтҳои асосии фаъолияти устодони Донишкадаи соҳибкорӣ ва хизмат маҳсуб меёбад.
Номбурда таъкид намуд, ки китоби нави муҳтарам Эмомалӣ Раҳмон идомаи мантиқии таҳқиқотӣ дар самти худшиносии миллӣ ва амалӣ намудани ормонҳои миллии тоҷикон арзёбӣ гардида, он дастоварди муҳим ва нотакрори илмию сиёсӣ ва иқтисодию иҷтимоӣ маҳсуб меёбад.
Иброз гардид, ки ҳар як саҳифаи «Уфуқҳои истиқлол» пораи таърихи ҷаҳду талошҳои мардуми шарифи Тоҷикистонро бо сарварии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои расидан ба Истиқлолияти комили миллӣ ифода мекунад.
Мавриди зикр аст, ки дар сарсухан, панҷ боб ва охирсухани ин китоби арзишманд Пешвои миллат роҷеъ ба бурду бохт ва комёбиву дастовардҳои Тоҷикистон дар даврони Истиқлолияти давлатӣ, марҳалаи эҳё ва барқарорсозии давлати миллии тоҷикон, рушди иқтисодиву иҷтимоӣ, ваҳдати милливу суботи иҷтимоӣ, сиёсати хориҷӣ, ҳимояи манфиатҳои миллӣ назари худро баён намудаанд.
Дар идомаи нишасти илмӣ ҷиҳати муаррифии китоби тозанашри Президенти мамлакат муовини ректор оид ба илм ва робитаҳои хориҷии донишкада, дотсент И. Хоркашов, мудири кафедраи молия ва андозбандӣ дар соҳибкорӣ дотсент П. Нидоев ва дигар устодони донишкада ибрози ақида намуда, нақши онро дар рушди минбаъдаи мафкураи миллӣ ва сиёсии ҷавонон муҳим арзёбӣ карданд.
Доир ба дастгирии истеъдодҳои ҷавон дар ИДМ конференсияи байналмилалӣ баргузор шуд
Дар Душанбе Бозиҳои 20-уми Делфии ҷавонони кишварҳои аъзои ИДМ оғоз мегардад
«ДОСТОНИ ХУДШИНОСӢ». Китоби нави Шоири халқии Тоҷикистон Давлат Сафар рӯнамоӣ гардид
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
ЗАБОН–САДОИ ХОТИРАИ МИЛЛАТ. Мулоҳизаҳои академик Фарҳод Раҳимӣ ба ифтихори Рӯзи забони давлатӣ
Президенти Тоҷикистон: «Мутахассисони соҳа бояд, ки истилоҳоти дурусту фаҳмо ва мувофиқ ба мазмуну муҳтавои соҳаҳои гуногунро барои истифода пешниҳод намоянд»
ЗАБОНИ МОДАРИИ МО—ЗАБОНИ ШИРИНУ ШЕВО ВА ШОИРОНАИ ТОҶИКӢ! Иқтибосҳо аз суханрониҳои Президенти Тоҷикистон Эмомалӣ Раҳмон
«ҶАҲОНИ РАССОМ». Дар Осорхонаи миллии Тоҷикистон намоиши асарҳои Дӯст Азизов ташкил гардид
Дар Душанбе Рӯзҳои синамои Қирғизистон доир мегарданд
Дар Осорхонаи миллии Тоҷикистон барои омӯзгорон сайри идонаи осорхонавӣ ташкил гардид
«НАМАКДОНИ МИЛЛАТ КАФИ ДАСТИ ӮСТ!». Таҳти чунин унвон китоби Давлат Сафар рӯнамоӣ гардид
