Иштироки Пешвои миллат Эмомалӣ Раҳмон дар маъракаи ниҳолшинонӣ дар ноҳияи Данғараи вилояти Хатлон

Февраль 24, 2019 14:51
ДУШАНБЕ, 24.02.2019 /АМИТ «Ховар»/. 24 феврал Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ноҳияи Данғараи вилояти Хатлон дар арафаи бедоршавии табиат чун анъанаи наку бо шинонидани ниҳолҳои мевадиҳанда ба маъракаи ниҳолшинонӣ ва оғози корҳои мавсими баҳорӣ дар саросари мамлакат оғоз бахшиданд.

Дар маъракаи имрӯзаи ниҳолшинонӣ мутахассисонии соҳаи боғдории вилояти Хатлон, аҳли заҳмати хоҷагиҳои боғпарвари ноҳия, дар маҷмуъ ҳазор нафар иштирок карданд.

Мавриди зикр аст, ки соли 2018 дар ноҳияи Данғара бо дастгирӣ ва ҳидояти бевоситаи Сарвари давлат дар майдони 100 гектар боғи интенсивӣ бунёд карда шуд. Соли гузашта бо истифодаи самараноки замин ва руёнидани ҳосили дилхоҳ аз ноҳияи Данғара ба хориҷи кишвар 1000 тонна мева содирот гардид.

Имрӯз бо иштироки Пешвои миллат муҳтарам Эмомалӣ Раҳмон дар майдони 100 гектар бо шинонидани 4 навъи себ боғи нави интенсивӣ бунёд карда шуд.

Сарвари давлат шахсан дарахти себ шинонида, мардуми ҷамъомадаро ба саҳмгузорӣ дар таъсиси боғ ҳидоят карданд.

Дар маъракаи имрӯза себҳои навъи “Фуджи атсек” — 28 ҳазору 500 ниҳол, “Модӣ” — 16 ҳазору 200, “Ҷералдинӣ” — 16 ҳазор ва Пингледӣ” — 3 ҳазор дар маҷмуъ 63 ҳазор ниҳол шинонида шуд.

Аз рӯйи маълумоти мутахассисони соҳаи боғдорӣ аз навъи тагпайванди себи Модӣ — “ММ -106” ҳосилнокӣ аз 1 гектар 50 тоннаро ташкил медиҳад.

Дар ҳамин ҷо Президенти мамлакат муҳтарам Эмомалӣ Раҳмон ба боғдорони ноҳия барои дуруст ба роҳ мондани парвариши ниҳолҳо ва истеҳсоли мевагиҳо маслиҳатҳои муфид доданд.

Ниҳоли дарахтони дар боғи нав шинонидашудаи себ асосан аз кишвари Краснодари Федератсияи Россия ворид карда шудаааст.

Хоҷагидорон аз тракторҳои парки муосири хизматрасонии техникии ноҳия ба таври самаранок истифода мебаранд. Дар маъракаи имрӯза низ аз техникаҳои махсус, ки кори боғдоронро дар кофтани чуқуриҳо ва шинонидани дарахтон осон менамояд, васеъ истифода гардид.

Баъди шинонидани дарахтони себ ва шиносоӣ бо вазъи соҳаи боғдорӣ Пешвои миллат муҳтарам Эмомалӣ Раҳмон зимни суҳбат бо мардуми ҷамъомада дар бораи тадбирҳои созандаи Ҳукумати ҷумҳурӣ, омодагӣ ба истиқболи ҷашни бузурги миллӣ — 30-солагии Истиқлолияти давлатии Ҷумҳурии Тоҷикистон, иҷрои нишондиҳандаҳои Паёми Президенти Ҷумҳурии Тоҷикистон ба Маҷлиси Олӣ, риояи қонунҳои амалкунанда, рушди соҳаҳои боғдорӣ, занбуриасалпарварӣ, истифодаи самараноки заминҳои кишт, афзоиши содироти мева ба хориҷи кишвар, гирифтани даромади хуби иқтисодӣ, рушди деҳот, бунёди иншооти таъиноти гуногун, таъсиси ҷойҳои нави корӣ, андешаронӣ карда, сокинонро ба вусъати корҳои созандагию ободонӣ ҳидоят намуданд.

Иштирок дар маъракаи ниҳолшинонӣ дар ноҳияи Данғараи вилояти Хатлон 24.02.2019

Февраль 24, 2019 14:51

Хабарҳои дигари ин бахш

Пешвои миллат Эмомалӣ Раҳмон дар шаҳри Хуҷанд ҶДММ «Ортопедия ва технологияи муосир»-ро ифтитоҳ намуданд
Президенти мамлакат Эмомалӣ Раҳмон дар шаҳри Хуҷанд бинои нуҳошёнаи истиқоматиро ба истифода доданд
Сарвари давлат Эмомалӣ Раҳмон дар шаҳри Хуҷанд Муассисаи таҳсилоти томактабии «Шукуфаи Истиқлол»-ро мавриди истифода қарор доданд
Пешвои миллат Эмомалӣ Раҳмон дар шаҳри Хуҷанд бинои асосии Беморхонаи клиникавии шаҳрии №1-ро ифтитоҳ намуданд
Президенти мамлакат Эмомалӣ Раҳмон дар шаҳри Гулистон бинои нави Маркази адлияро мавриди баҳрабардорӣ қарор доданд
Сарвари давлат Эмомалӣ Раҳмон дар шаҳри Конибодом бинои Кумитаи иҷроияи ҳизби ХХДТ-ро ба истифода супориданд
Пешвои миллат Эмомалӣ Раҳмон Маҷмааи хизматрасонии «Тоҷи заррин»-ро мавриди баҳрабардорӣ қарор дода, ба100 нафар ятими кулл туҳфаҳо тақдим карданд
Президенти мамлакат Эмомалӣ Раҳмон Муассисаи таҳсилоти миёнаи умумии №7-и шаҳри Конибодомро мавриди баҳрабардорӣ қарор доданд
Сарвари давлат Эмомалӣ Раҳмон ба фаъолияти Коргоҳи коркарди меваи хушки ҶСК «Конибодом» оғоз бахшиданд
Пешвои миллат Эмомалӣ Раҳмон дар шаҳри Конибодом шаҳраки кӯдаконаи «Кайҳон»-ро ба истифода доданд
Президенти мамлакат Эмомалӣ Раҳмон боғи истироҳатию фароғатии «Истиқлол»-и шаҳри Конибодомро мавриди баҳрабардорӣ қарор доданд
Сарвари давлат Эмомалӣ Раҳмон бинои иловагии Беморхонаи марказии шаҳри Конибодомро ифтитоҳ карданд

Маводҳои таҳлилӣ