Мавлуда Қаландарзода: «Сифати баррасии парвандаҳо беҳтар ва бекоршавии санадҳои судӣ кам гардидааст»
ДУШАНБЕ, 06.02.2018 /АМИТ «Ховар»/. Соли сипаригардида сифати баррасии парвандаҳо беҳтар ва бекоршавии санадҳои судӣ кам гардид. Дар ин бора Раиси Суди Олии иқтисодии Ҷумҳурии Тоҷикистон Мавлуда Қаландарзода имрӯз зимни нишасти матбуотӣ ба хабарнигорон иттилоъ дод.
Тавре мухбири АМИТ «Ховар» иттилоъ медиҳад, ба гуфтаи М. Қаландарзода, соли 2018 317 парванда дар марҳилаи кассатсионӣ, 260 — то бо роҳи назоратӣ ва 14 адад дар Раёсати Суди Олии иқтисодии Ҷумҳурии Тоҷикистон мавриди баррасӣ қарор дода шуданд.
«Дар ин давра ба судҳои иқтисодӣ зиёда аз 3 ҳазору 300 ариза ва шикояту дархост ворид гардида, аз ин шумора дар марҳилаи якум 2 ҳазору 629 адад баррасӣ гардиданд», — гуфт мавсуф.
Зикр гардид, ки соли 2018 зиёда аз 1 ҳазору 700 адад парвандаҳо моҳиятан баррасӣ ва аз рӯи онҳо ҳалномаҳои судӣ қабул карда шуданд.
«Соли 2018 сарбории судяҳо 3 ҳазору 220 ададро ташкил дод, ки нисбат ба соли гузашта бештар аст. Бекоршавии қарорҳои судӣ 36 адад мебошад. Назар ба соли гузашта сифати баррасии парвандаҳо беҳтар ва бекоршавии санадҳои судӣ кам гардид», — афзуд Мавлуда Қаландарзода.
Гуфта шуд, ки соли сипаригардида зимни муроҷиат ба судҳои иқтисодӣ аз рӯи тамоми аризаҳои воридгардида зиёда аз 5 миллиону 362 ҳазор сомонӣ боҷи давлатӣ пардохт гардид.
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
