Н.Ҳикматуллозода: «Соли 2018 ҳаҷми номиналии ММД-и мамлакат то 68,8 млрд. сомонӣ афзоиш ёфт»
ДУШАНБЕ 15.02.2018 /АМИТ «Ховар»/. Соли 2018 ҳаҷми номиналии маҷмӯи маҳсулоти дохилии (ММД) кишвар то 68,8 млрд. сомонӣ афзоиш ёфта, рушди иқтисодӣ 107,3 фоизро ташкил дод, ки ин нисбат ба соли гузашта 0,2 банди фоиз зиёд мебошад. Матлаби мазкур имрӯз зимни нишасти матбуотӣ аз ҷониби Вазири рушди иқтисод ва савдои Ҷумҳурии Тоҷикистон Неъматулло Ҳикматуллозода баён гардид.
Н.Ҳикматуллозода инчунин иброз намуд, ки ҳаҷми истеҳсоли маҳсулоти саноатӣ соли 2018 зиёда аз 23872,4 млн. сомониро ташкил намуда, нисбат ба соли гузашта 11,8 фоиз афзудааст. Ҳамчунин ҳаҷми истеҳсоли маҳсулоти кишоварзӣ аз рӯи ҳамаи шаклҳои хоҷагидорӣ соли сипаригардида зиёда аз 26370,3 млн. сомониро ташкил дод, ки суръати рушди он нисбат ба соли 2017 4,0 фоиз афзоиш ёфтааст.
Вазир зикр намуд, ки дар сохтмони асосии ҷумҳурӣ ҳаҷми сармоягузорӣ аз ҳисоби ҳамаи сарчашмаҳои маблағгузорӣ соли 2018-ум 13051,4 млн. сомониро ташкил намуд, ки нисбат ба соли 2017 7,8 фоиз афзоиш ёфтааст. Сарчашмаи дигаре, ки дар сохтмони иншооти иҷтимоӣ ва инфрасохторӣ муҳим арзёбӣ мегардад, ин сармояи хориҷӣ мебошад. Аз ин ҳисоб соли 2018 дар маҷмӯъ 4202,3 млн. сомонӣ маблағгузорӣ гардид.
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
Кормандони соҳаи геология ва кӯҳкорӣ 35-солагии Истиқлоли давлатиро ботантана таҷлил намуданд
Навбати дуюми зеристгоҳи барқии «Навобод» ба истифода дода шуд
Дар Тоҷикистон платформаи рақамии ватании ZARZO барои ҳисоб ва идоракунии лоиҳаҳои кишоварзӣ таҳия мегардад
Дар Душанбе Фестивали зеҳни сунъӣ ва технологияҳои рақамӣ -«AI ALLEY» баргузор гардид
