Шумораи донишҷӯёни хориҷӣ дар Донишгоҳи давлатии молия ва иқтисоди Тоҷикистон зиёд гардид
ДУШАНБЕ, 04.02.2019. /АМИТ «Ховар»/. Имрӯз зимни нишасти матбуотӣ ректори Донишгоҳи давлатии молия ва иқтисоди Тоҷикистон (ДДМИТ) Шукрулло Қурбоналӣ ба саволи хабарнигори АМИТ «Ховар» дар мавриди ба роҳ мондани робитаҳои ҳамкорӣ бо дигар донишгоҳҳо иброз дошт, ки «давоми соли 2018 донишгоҳ бо 20 муассисаи таҳсилоти касбии хориҷи кишвар шартномаи ҳамкорӣ ба имзо расонид. ДДМИТ бо донишгоҳҳои Россия, Қазоқистон, Латвия, Беларус, инчунин бо 4 донишгоҳи Ҷумҳурии Ӯзбекистон дар зарфи як сол шартномаи ҳамкорӣ имзо намуд».
Бино ба иттилои ректор, давоми соли 2018 устодони донишгоҳҳои зикршуда барои омӯзонидани донишҷӯён ба Донишгоҳи давлатии молия ва иқтисоди Тоҷикистон чандин сафар анҷом доданд. Инчунин профессорони ДМИТ низ бо ин мақсад ба хориҷи мамлакат сафар намуданд.
Зимни нишасти имрӯза зикр гардид, ки назар ба солҳои гузашта соли 2018 шумораи донишҷӯёни хориҷӣ дар донишгоҳ зиёд гардид. Агар соли 2017 дар донишгоҳ 25 нафар шаҳрвандони хориҷӣ таҳсил мекарданд, соли 2018 ин шумора ба 282 нафар расид. Шумораи зиёди ин донишҷӯён аз Ӯзбекистон, Қазоқистон, Қирғизистон, Туркманистон, Афғонистон ва Федератсияи Россия мебошанд.
Бояд зикр намуд, ки 27 марти соли 2018 бо Қарори Ҳукумати Ҷумҳурии Тоҷикистон Донишкадаи молия ва иқтисоди Тоҷикистон ба Донишгоҳи давлатии молия ва иқтисоди Тоҷикистон табдили мақом кард.
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
