Сироҷиддин Муҳриддин: «Федератсияи Россия барои Ҷумҳурии Тоҷикистон шарики калидии стратегӣ аст»
ДУШАНБЕ, 05.02.2019 /АМИТ «Ховар»/. Федератсияи Россия барои Ҷумҳурии Тоҷикистон шарики калидии стратегӣ ва дар доираи созмонҳои бонуфуз, назири Созмони аҳдномаи амнияти дастаҷамъӣ /СААД/, Иттиҳоди Давлатҳои Мустақил /ИДМ/ ва Созмони ҳамкории Шанхай /СҲШ/ иттифоқчӣ мебошад. Ин нуктаро 5 феврал зимни брифинг дар Душанбе Вазири корҳои хориҷии Ҷумҳурии Тоҷикистон Сироҷиддин Муҳриддин баъд аз мулоқот бо ҳамтои россиягии худ Сергей Лавров ба хабарнигорон иброз дошт,-иттилоъ медиҳад хабарнигори АМИТ «Ховар».
Вазири корҳои хориҷии Ҷумҳурии Тоҷикистон роҷеъ ба сафари расмии вазири корҳои хориҷии Федератсияи Россия Сергей Лавров ба Ҷумҳурии Тоҷикистон сухан карда, изҳор намуд, ки Вазири корҳои хориҷии Федератсияи Россия дар доираи сафари расмиаш ба Ҷумҳурии Тоҷикистон бо Президенти Ҷумҳурии Тоҷикистон муҳтарам Эмомалӣ Раҳмон мулоқот намуда, маҷмӯи васеи масъалаҳои муҳими фарогири ҳамкории дуҷониба ва бисёрҷонибаи Ҷумҳурии Тоҷикистон ва Федератсияи Россияро баррасӣ намуданд.
Инчунин дар доираи мулоқоти вазирони корҳои хориҷии Тоҷикистон ва Россия Сироҷиддин Муҳриддин ва Сергей Лавров масъалаҳои марбут ба татбиқи мувофиқаҳои қаблан ҳосилшуда, ҳолати кунунӣ ва дурнамои ҳамкории Тоҷикистону Россия, ҳамкории сиёсию иқтисодӣ, тиҷоратӣ, гуманитарӣ, муҳоҷират, ҳарбӣ, ҳарбӣ–техникӣ, авзои минтақа, бахусус Афғонистон ва омодагӣ ба сафари расмии Президенти Ҷумҳурии Тоҷикистон ба Федератсияи Россия матраҳ гардиданд.
Ҳамзамон вазири корҳои хориҷии Федератсияи Россия Сергей Лавров дар брифинг роҷеъ ба таҳкими ҳамкории судманди ду давлат — Ҷумҳурии Тоҷикистон ва Федератсияи Россия ибрози назар карда, афзуд, ки Тоҷикистону Россия шарикони стратегӣ буда, ҳамкории мутақобилан судманди худро дар соҳаҳои иқтисоду тиҷорат, ҳарбӣ, ҳарбӣ–техникӣ, хусусан таҳкими амнияти минтақа ва тавсеаи ҳамкории илмию фарҳангӣ ва гуманитарӣ, хусусан бунёди мактабҳои омӯзиши забони русӣ, ҷалби омӯзгорони рус ба муассисаҳои таҳсилоти миёнаи умумии Тоҷикистон густариш медиҳанд.
Имрӯз ҳамчунин дар Душанбе баъди анҷоми мулоқоти вазирони корҳои хориҷии Ҷумҳурии Тоҷикистон Сироҷиддин Муҳриддин ва Федератсияи Россия Сергей Лавров Барномаи ҳамкорӣ байни Вазорати корҳои хориҷии Ҷумҳурии Тоҷикистон ва Вазорати корҳои хориҷии Федератсияи Россия барои соли 2019 ба имзо расонида шуд.
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Сафири Тоҷикистон бо муовини вазири корҳои дохилии Миср мулоқот намуд
Сафири Тоҷикистон бо муовини Вазири адлияи Эрон мулоқот намуд
Сироҷиддин Муҳриддин бо муовини парлумонии вазири корҳои хориҷии Ҷопон Эри Арфия мулоқот намуд
Сафири Тоҷикистон дар вохӯрии муовини Котиби давлатии ИМА бо сафирони кишварҳои Осиёи Марказӣ иштирок намуд
Ҳамкории дуҷонибаи Тоҷикистону Умон баррасӣ гардид
Сафири Тоҷикистон бо раиси Палатаи савдо ва саноати Салтанати Умон мулоқот намуд
Ҳамкории Тоҷикистон ва Эрон дар соҳаи илму фарҳанг баррасӣ шуд
Дар Берлин консерти ансамбли «Моҳирон» дар доираи фестивали байналмилалии Young Euro Classic баргузор гардид
Ҳамкории Тоҷикистону Кувайт дар соҳаи ҳуқуқи инсон баррасӣ шуд
Дар Кувайт ҳамкорӣ ва ҳамоҳангсозӣ дар самти консулӣ байни Тоҷикистон ва Давлати Кувайт баррасӣ гардид
Дар Вена масъалаҳои таҳкими ҳамкории илмӣ-фарҳангии Тоҷикистон ва Австрия баррасӣ гардиданд
