Сироҷиддин Муҳриддин: «Тифлони тоҷик аз Ироқ ва Сурия ба Ватан баргардонида мешаванд»
ДУШАНБЕ, 12.02.2019 /АМТТ «Ховар»/. Ҳамаи кӯдакони тоҷик, шаҳрвандони Тоҷикистон аз Ироқ ва Сурия ба Ватан баргардонида мешаванд. Ин нуктаро Вазири корҳои хориҷии Ҷумҳурии Тоҷикистон Сироҷиддин Муҳриддин имрӯз дар нишасти матбуотӣ иброз дошт.
Ба гуфти Вазир, то имрӯз дар Ироқ 92 кӯдак-шаҳрвандони Тоҷикистон қарор доранд, ки 31 нафари онҳоро тифлони то 3-сола ташкил медиҳанд. Барои баргардонидани онҳо иҷазати 75 нафар волидайн гирифта шудааст, ки ин яке аз талаботи асосии қонунгузории Ироқ ба шумор меравад. Ҳамаи кӯдакон ба Ватан оварда хоҳанд шуд.
«Дар маҳбасҳои Ироқ 43 зан- шаҳрвандони Тоҷикистон қарор доранд. Барои баргардонидани онҳо ба Ватан вақт ва заҳмати зиёд даркор аст», — гуфт Вазири корҳои хориҷии Тоҷикистон.
Дар ин росто Сироҷиддин Муҳриддин ҳамзамон иброз намуд, ки ба наздикӣ гуфтушунидҳо ва раванди баргардонидани шаҳрвандони Тоҷикистон аз Сурия оғоз мегардад. Барои ин яке аз сафирони Тоҷикистон дар кишварҳои бо Сурия ҳамсарҳад сафарбар хоҳад шуд.
Ташаббуси байналмилалии Тоҷикистон барои таҳкими сулҳ ба хотири наслҳои оянда аҳамияти ҳуқуқӣ ва сиёсии хос дорад
Густариши ҳамкории Тоҷикистону Бангладеш дар соҳаҳои гуногун баррасӣ шуд
Натиҷаҳои Конфронси чоруми оби Душанбе дар ҷаласаи ЭСКАТО муаррифӣ гардиданд
Дар Сафорати Тоҷикистон дар Швейтсария Рӯзи Ваҳдати миллӣ таҷлил карда шуд
Тоҷикистон ва Қатар бахшида ба Соли байналмилалии маърифати ҳуқуқӣ дар Женева чорабинӣ баргузор намуданд
Дар Вашингтон бо иштироки соҳибкорони Тоҷикистон ва ИМА мизи мудаввар баргузор шуд
Сафири Тоҷикистон ба Вазири корҳои хориҷии Давлати Кувайт нусхаи эътимоднома супорид
Ташаббусҳои ҷаҳонии Тоҷикистон дар соҳаи об ва иқлим дар Бангкок муаррифӣ шуданд
Дар Вашингтон дурнамои ҳамкории Тоҷикистон бо ИМА дар бахшҳои сиёсӣ ва илмӣ баррасӣ шуд
Густариши ҳамкории Тоҷикистон ва Амрико баррасӣ шуд
Байни Тоҷикистон ва Амрико машваратҳои сиёсӣ баргузор шуданд
Мафалда Дуарте: «Тоҷикистон дар пешбурди рӯзномаи ҷаҳонии иқлим мавқеи пешсаф дорад»
