Соли 2019 дар ноҳияҳои Данғара, Темурмалик ва Балҷувон устохонаҳои таъмирӣ мавриди истифода қарор мегиранд

Февраль 20, 2019 16:19

ДУШАНБЕ, 20.02.2019. /АМИТ «Ховар»/. Дар назар аст, ки соли 2019 дар заминаи марказҳои хизматрасонии техникии амалкунандаи ноҳияҳои Данғара, Темурмалик ва Балҷувон устохонаҳои таъмирӣ сохта шуда, бо дастгоҳҳо пурра мукаммалу муҷаҳҳаз гардонда шаванд. Дар ин бора директори Корхонаи воҳиди давлатии ҷумҳуриявии «Тоҷикагролизинг» Юсуф Акрамзода ба хабарнигори АМИТ «Ховар» хабар дод.

Ба иттилои номбурда, бо дастгирии бевоситаи Ҳукумати Ҷумҳурии Тоҷикистон шумораи марказҳои хизматрасонии техникӣ дар шаҳру ноҳияҳои ҷумҳурӣ аз 33 ба 60 адад расонида шуд. Айни ҳол ба марказҳои хизматрасонии техникӣ 196 адад техникаҳои гуногунтамға ва 919 адад таҷҳизот ба маблағи  29 млн. сомонӣ вобаста карда шудаанд.

Махсусан марказҳои хизматрасонии техникии шаҳру ноҳияҳои Конибодом, Восеъ, Вахш, Данғара, Абдураҳмони Ҷомӣ, Лахш, Тоҷикобод ва Шаҳристон бо тамоми техникаю таҷҳизоти ватанию хориҷӣ мукаммалу муҷаҳҳаз гардонда шудаанд. Дар заминаи онҳо устохонаҳои таъмирӣ сохта шудаанд, ки техникаю таҷҳизот дар ин марказҳо пурра таъмир карда шуда,  омодаи кор гардонда мешаванд.

Инчунин зикр гардид, ки КВДҶ «Тоҷикагролизинг» давоми соли 2018 аз корхонаҳои ватанӣ ва давлатҳои истеҳсолкунандаи техникаю мошинолоти кишоварзӣ, аз қабили ҷумҳуриҳои Ӯзбекистон, Беларус, Федератсияи Россия, давлатҳои Туркия, Ҳиндустон, Германия ва Чин 217 адад техника ва 560 адад таҷҳизоти кишоварзиро ба маблағи 56,5 млн. сомонӣ харида, ба ҷумҳурӣ ворид намуд.

Февраль 20, 2019 16:19

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад