ТАОМИ МИЛЛӢ МАРҲАМИ ҶОН АСТ. Дар ноҳияи Шуғнон ба духтарон тарзи омода кардани таомҳои анъанавиро меомӯзанд
ХОРУҒ, 04.02.2019 /АМИТ «Ховар»/. Дар деҳаи Барчиди ҷамоати Поршиневи ноҳияи Шуғнон дар чаҳорчӯби Солҳои рушди деҳот, сайёҳӣ ва ҳунарҳои мардумӣ давраи омӯзишии серӯза барои занону духтарони хонашин роҳандозӣ гардид.
Тавре мухбири минтақавии АМИТ «Ховар» хабар медиҳад, ин омӯзиш бо ибтикори бахши кор бо занон ва оилаи ноҳия баргузор гашта, дар он ба бонувону духтарон тарзу усулҳои омода кардани таомҳои анъавӣ ва маҳаллиро аз орду донҳои гандумӣ ёд доданд. Дар он 15 нафар бонувони хонанишин ва духтарони синфҳои болоии мактаби деҳа ширкат намуда, оид ба таомҳои анъавӣ ва ва маҳаллии мардуми кӯҳистон ҳам аз ҷиҳати назариявӣ ва ҳам амалӣ маълумоти муфассал гирифтанд.
Мутахассиси шуъбаи кор бо занон ва оилаи мақомоти иҷроияи ҳокимияти давлатии ноҳия Манзура Ғуломнабиева гуфт, ки «дар деҳа занони солхӯрдае зиндагӣ мекунанд, ки бо тарзи омода кардани ин таомҳо шинос ҳастанд. Бо истифода аз ҳунару истеъдодашон занону духтарони деҳа бояд ин ҳунари аҷдодиро аз худ намуда, ба насли оянда интиқол диҳанд. Зеро таомҳои анъанавӣ аз маҳсулоти хоми аз ҷиҳати экологӣ тоза омода мешаванд ва дар таркиби худ иловаҳои кимиёвӣ надоранд. Ҳоло агар дар деҳот касе зуком шавад, барои ӯ танҳо таому нӯшобаҳои маҳаллӣ омода мекунанд».
Вале бояд гуфт, ки танҳо бо баргузор кардани чанд давраи омӯзишӣ аз худ кардани тарзу усулҳои омодакунии таомҳои анъанавӣ кори осон нест. Барои ин зарур аст, ки ҳам дар хона, ҳам дар муассисаҳои таълимӣ ва зимни машғулиятҳои беруназсинфӣ ба ҳунару анъанаҳои миллӣ аҳамияти бештар зоҳир карда шавад.
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Бахшида ба ҷашни Меҳргон Форуми байналмилалии «Сайёҳии устувор ва мероси фарҳангӣ» баргузор мегардад
Кормандони соҳаи фарҳанг бо мукофотҳои давлатӣ сарфароз гардиданд
Дар Донишгоҳи байналмилалии сайёҳӣ ва соҳибкории Тоҷикистон маросими супоридани мукофотҳои давлатӣ баргузор шуд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
Дар шаҳри Душанбе маҳфили «Шоҳномахонӣ» баргузор шуд
