Ба филиалҳои «Маркази ҷумҳуриявии иммунопрофилактика» нақлиёти хизматӣ тақдим гардид
ДУШАНБЕ 04.03.2018 /АМИТ «Ховар»/. Дар доираи татбиқи «Барномаи миллии иммунопрофилактика дар Ҷумҳурии Тоҷикистон барои солҳои 2016-2020», ки бо қарори Ҳукумати Ҷумҳурии Тоҷикистон тасдиқ шудааст ва Лоиҳаи АГВИ «Устувор намудани соҳаи тандурустӣ дар Ҷумҳурии Тоҷикистон» ҷиҳати баланд бардоштани сатҳи хизматрасонии тиббӣ ва пурзӯр намудани заминаи моддию техникии муассисаҳои тиббӣ ба филиалҳои Муассисаи давлатии «Маркази ҷумҳуриявии иммунопрофилактика» дар шаҳри Душанбе, вилояти Суғд, минтақаҳои Бохтару Кӯлоби вилояти Хатлон ва минтақаи Рашт нақлиёти хизматӣ тақдим карда шуданд.
Дар ин бора ба мухбири АМИТ «Ховар» аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар доданд.
Инчунин ба марказҳои иммунопрофилактикаи ноҳияи Кӯҳистони Мастчоҳ ва шаҳри Панҷакенти вилояти Суғд, ноҳияҳои Лахш, Тоҷикобод ва Сангвор 1-ададӣ нақлиёти хизматии тамғаи «ВАЗ 21214», ки дар маҷмӯъ 10 ададро ташкил доданд, тақдим карда шуданд. Илова бар ин, филиали Муассисаи давлатии «Маркази ҷумҳуриявии иммунопрофилактика» дар вилояти Суғд бо 1 адад нақлиёти хизматии тамғаи «Газел NEX A21P22-1070» (авторефрижиратор) ва бо 1 адад нақлиёти хизматии тамғаи «Газел NEX A21P22-1070» (боркаш) таъмин гардиданд.
Бояд гуфт, ки дар доираи «Барномаи миллии иммунопрофилактика дар Ҷумҳурии Тоҷикистон барои солҳои 2016-2020» барои таъмини амнияти беҳдоштию эпидемиологии аҳолии кишвар, пешгирии пайдоиш ва паҳншавии бемориҳои сироятии бо ваксина идорашаванда, аз байн бурдани хатари такроршавии хурӯҷи бемории фалаҷ дар Ҷумҳурии Тоҷикистон, устувор нигоҳ доштани мақоми «Давлати озод аз бемории фалаҷ», баланд бардоштани дастрасӣ, сифатнокӣ ва самаранокии хизматрасонии тиббӣ, беҳтар намудани саломатии модарону кӯдакон, пурзӯр намудани кумаки аввалини тиббию санитарӣ дар ҷумҳурӣ мунтазам тадбирҳои зарурӣ амалӣ карда мешаванд.
Мубориза ва пешгирии бемориҳои сироятӣ, аз ҷумла сироятҳои ба воситаи иммунизатсия идорашаванда яке аз самтҳои асосии фаъолияти соҳаи тандурустӣ ба ҳисоб меравад. Дар баробари ин, пешгирии бемориҳои сироятӣ бо истифода аз ваксинаҳо хеле самаранок ва нисбатан арзон буда, бо ин роҳ сатҳи бемориҳои сироятӣ тавассути иммунизатсия мунтазам паст карда мешавад.
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
Имрӯз дар баъзе ноҳияҳои Тоҷикистон борони кӯтоҳмуддат меборад
Оид ба таъсири омилҳои антропогенӣ ба ҳавзаи дарёи Сурхоб дар шароити тағйирёбии иқлим машварат баргузор гардид
Бахшида ба Рӯзи Ваҳдати миллӣ бо соҳибкорони «Бозори Корвон» вохӯрӣ баргузор шуд
Дар ноҳияи Айнӣ кишти помидор бо усули обёрии қатрагӣ ба роҳ монда мешавад
Дар ноҳияи Шуғнон дар масоҳати 10 гектар боғи нави дарахтони себу зардолу бунёд гардид
