Бонувони афғон дар Тоҷикистон усулҳои наҷот дар ҳолатҳои фавқулодаро меомӯзанд
ДУШАНБЕ, 29.03.2019. /АМИТ «Ховар»/. Дар Маркази ҷумҳуриявии омӯзишӣ—методии Кумитаи ҳолатҳои фавқулода ва мудофиаи граждании Ҷумҳурии Тоҷикистон 28 март аввалин давраи омӯзишӣ барои бонувони наҷотбахши Афғонистон ва Тоҷикистон оғоз гардид.
Тавре аз Кумита ба мухбири АМИТ «Ховар» хабар доданд, давраи аввали омӯзишӣ дар доираи татбиқи Протоколи имзошуда оид ба таҳкими ҳамкории наздимарзии омодагиҳо ва вокуниш ба ҳолатҳои фавқулода миёни Ҷумҳурии Исломии Афғонистон ва Ҷумҳурии Тоҷикистон, ки моҳи феврали соли 2018 дар ҷараёни мулоқоти Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ва Вазорати миллии Ҷумҳурии Исломии Афғонистон имзо шуда буд, баргузор мегардад.
Тайи як ҳафтаи оянда наҷотдиҳандагони Кумитаи ҳолатҳои фавқулода ва мудофиаи гражданӣ ва наҷотдиҳандагони Агентии Оғохон оид ба зистгоҳ усулҳои роҳандозии корҳои садамавиву наҷот бо истифода аз як силсила таҷҳизот ва воситаҳои ҳимояи шахсиро тамрин мекунанд. Дарсҳо бо дастгирии Агентии Оғохон оид ба зистгоҳ дар Ҷумҳурии Тоҷикистон роҳандозӣ ва аз ҷониби мутахассисони ботаҷрибаи Британияи Кабир гузаронида мешаванд.
Дарси омӯзишии мазкур барои ҳамкориҳо миёни наҷотдиҳандагони ду кишвар ҳангоми гузаронидани амалиётҳои ҷустуҷӯиву наҷот дар ҳоли ба вуҷуд омадани офати табиӣ равона гардидааст.
Дар Тоҷикистон сохтмони хонаҳои истиқоматӣ вусъат ёфтааст
Имрӯз дар шаҳри Душанбе ҳаво то 28 дараҷа гарм мешавад
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Сафири Тоҷикистон дар Амрико дар Форуми сатҳи баланд иштирок намуд
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
