Дар ноҳияи Рӯдакӣ фестивал-озмуни «Ҷавондухтарони ҳунарманд» баргузор гардид
ДУШАНБЕ, 05.03.2019 /АМИТ «Ховар»/. Дар толори Мактаби мусиқии кӯдаконаи ноҳияи Рӯдакӣ фестивал-озмун таҳти унвони «Ҷавондухтарони ҳунарманд» баргузор гардид.
Тавре аз Вазорати фарҳанги Ҷумҳурии Тоҷикистон ба АМИТ «Ховар» хабар доданд, дар фестивал-озмун донишҷӯёни ду муассисаи таҳсилоти миёнаи касбӣ-Коллеҷи фарҳанги ҷумҳуриявии ба номи Партов Бӯйдоқов ва Коллеҷи техникию омӯзгории ноҳия миёни ҳам қувва озмуданд.
Фестивал-озмун бо ташаббуси бахши кор бо ҷавонон ва варзиши ноҳия ба ифтихори Солҳои рушди деҳот, сайёҳӣ ва ҳунарҳои мардумӣ, Рӯзи Модар ва дар доираи тадбирҳои ҷашни 30-солагии Истиқлолияти давлатӣ доир гардид.
Дар фестивал-озмун аъзои ҳакамон, ки аз намояндагони Мақомоти иҷроияи ҳокимияти давлатӣ, бахшҳои кор бо занон ва оила, ҷавонон ва варзиши ноҳия иборат буданд, ба ҳунарҳои тайёр кардани хӯриш, парпеч намудани кӯдак, видеороликҳо аз маҳорати кадбонугӣ ва хондани суруди аллаи иштирокчиён баҳо гузоштанд.
Тибқи баҳогузории ҳакамон донишҷӯёни Коллеҷи фарҳанг холҳои бештар ба даст оварда, ғолиби фестивал-озмун гардиданд. Дар охир ба ғолибон диплом ва туҳфаҳои хотиравӣ тақдим карда шуд.
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
Имрӯз дар шаҳри Душанбе ҳаво то 26 дараҷа гарм мешавад
Сарвазири Ҷумҳурии Қазоқистон Олжас Бектенов ба Тоҷикистон ташриф овард
Дар шаҳри Норак ҳашарҳои экологии «Тозагии маҳал» ва «Тозагии шоҳроҳ» гузаронида шуданд
Дар Тоҷикистон ҳаҷми истеҳсоли асал кам шудааст
Дар Душанбе Шурои намояндагии Ташкилоти ҷамъиятии ҷавонон «Созандагони Ватан» таъсис дода шуд
ҚУРБИ АСЪОР: 1 рубли русӣ аз 0.0990 то 0.1100 сомонӣ муқаррар шудааст
