Иштирокчиёни конфронси минтақавии «Имрӯз амал намову фардоро бисоз» аз ноҳияи Шаҳринав ва шаҳри Ҳисор дидан намуданд
ДУШАНБЕ, 29.03.2019 /АМИТ «Ховар»/. Имрӯз ҳайати иштирокчиёни конфронси минтақавии «Имрӯз амал намову фардоро бисоз» аз Маркази ҷавонони ноҳияи Шаҳринав дидан намуданд.
Тавре аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба АМИТ «Ховар» хабар доданд, ҳайати меҳмонон аз намояндагии Созмони Милали Муттаҳид, ҷумҳуриҳои Арманистон, Беларус, Россия, Ӯзбекистон, Қирғизистон, Қазоқистон, Гурҷистон, Покистон, Муғулистон ва сафирони Иттиҳоди Давлатҳои Мустақил иборат буда, онҳоро дар даромадгоҳи маркази ноҳияи Шаҳринав ҷавонону наврасон бо гулу гулдаста пешвоз гирифтанд.
Меҳмонон зимни боздид аз маркази ҷавонон бо ҳайати муҳассилини курсҳои омӯзишӣ суҳбат намуда, ба онҳо маслиҳатҳо доданд.
Дар марказ курсҳои омӯзишӣ, аз қабили забони русӣ, англисӣ, компютерӣ, атласбофӣ, қолинбофӣ ва дигар ҳунарҳои мардумӣ ба роҳ монда шуда, омӯзиши он ройгон мебошад. Дар ҳар як курс беш аз 30 нафар ҷавонон дар муҳлати 3 моҳ ба таҳсил фаро гирифта мешаванд.
Меҳмонон аз ин иқдоми Ҳукумат нисбат ба ҷавонон изҳори хушнудӣ намуда, иброз доштанд, ки курсҳои мазкур барои рушд ва эҳёи ҳунарҳои мардумӣ заминаи мусоид фароҳам меоваранд.
Нимаи дуюми рӯз иштирокчиёни конфронси минтақавии «Имрӯз амал намову фардоро бисоз» ба шаҳри Ҳисор сафар намуда, аз ҷойҳои таърихии шаҳр дидан намуданд.
Баъди ба даст овардани соҳибистиқлолӣ Ҳукумати Ҷумҳурии Тоҷикистон ба татбиқи сиёсати ҷавонон аҳамияти хосса зоҳир менамояд. Имрӯз ҷавонон имконият доранд бо истифода аз шароити мусоид ба омӯзиш ва азхуднамои донишҳои муосир ва рушду малакаҳои зеҳнӣ машғул шаванд.
Намояндагони Кумитаи рушди сайёҳии Тоҷикистон дар Боку дар форуми танзимгарони сайёҳии Созмони ҳамкории иқтисодӣ иштирок доранд
Дар Душанбе баргузории намоишгоҳҳои рассомон дар Тоҷикистон ва Олмон баррасӣ шуд
Донишгоҳи байналмилалии сайёҳӣ ва соҳибкории Тоҷикистон дар Хоруғ олимпиадаи минтақавӣ доир намуд
«МИРЗО ТУРСУНЗОДА ДАВОМДИҲАНДАИ НАЗМИ ҲАЗОРСОЛАИ ХАЛҚИ ТОҶИК МЕБОШАД». Андешаҳои адибони бузург дар васфи шоир
Дар Осорхонаи миллӣ маҳфили «Шоҳномахонӣ» баргузор гардид
«ОН ҚАДАР ДАР ДИЛПИСАНДӢ ДИЛПИСАНД АСТӢ, ВАТАН…». Имрӯз зодрӯзи Қаҳрамони Тоҷикистон устод Мирзо Турсунзода аст
«БЕҲТАРИН ТАРҒИБГАРИ ЛИБОСИ МИЛЛӢ-2024». Дар Донишгоҳи технологии Тоҷикистон даври ҷамъбастии озмун гузаронида шуд
«ҲУНАР БЕҲТАР АЗ ЗАР БУВАД». Дар Бадахшон даври вилоятии фестивали ҳунармандон ҷамъбаст гардид
«САЙРИ ГУЛИ ЛОЛА». Имрӯз дар Боғи фарҳангӣ-фароғатии ба номи Абулқосим Фирдавсӣ даври ҷумҳуриявии озмун баргузор мегардад
«БО ҲАМ». Дар Осорхонаи миллӣ намоиши асарҳои рассомони муосири тоҷик оғоз шуд
Муовини вазири корҳои хориҷии Ҷумҳурии Мардумии Чин Қалъаи Ҳисорро тамошо намуд
Имсол 7203 сайёҳи хориҷӣ мавзеъҳои таърихию фарҳангии вилояти Хатлонро тамошо кардаанд
