ЧО-2019: Дилшод Назаров ба финали мусобиқаи гурзандозӣ роҳ ёфт
ДУШАНБЕ, 24.04.2019. /АМИТ «Ховар»/. Варзишгари маъруфи тоҷик, чемпиони Бозиҳои олимпӣ Дилшод Назаров ба даври финали мусобиқаи гурзандозии Чемпионати Осиё оид ба варзиши сабук, ки дар шаҳри Доҳаи Қатар ҷараён дорад, роҳхат гирифт. Даври интихобии қувваозмоии гурзандозӣ шоми 23 апрели соли равон миёни 17 варзишгари 11 давлати қора баргузор гардид. Дилшод Назаров гурзро ба масофаи 71.46 метр ҳаво дода, ҷои дуюмро ишғол намуд. Натиҷаи аз ӯ беҳтарро варзишгари мизбон Ашраф Ал-Сайфӣ (74.92) нишон дод.
Дар ин бора корманди Кумитаи миллии олимпии Тоҷикистон Умаралӣ Сафаралӣ ба мухбири АМИТ «Ховар» Меҳрони Қурбон хабар дод.
Бояд зикр кард, ки дар ин намуди қувваозмоӣ аз миёни 17 нафар 12 нафар дар даври финалӣ, ки шоми имрӯз – 24 апрел баргузор мешавад, барои ҷойҳои ифтихорӣ талош мекунанд.
Ёдовар мешавем, ки Дилшод Назаров чор карат қаҳрамони Осиё (2009, 2013, 2015, 2017), барандаи 2 медали нуқра (2005, 2007) ва як медали биринҷии (2003) Чемпионати Осиё мебошад.
Бояд илова намуд, ки варзишгари дигари тоҷик Гулсунбӣ Шарифова дирӯз дар қувваозмоии дав ба масофаи 200 метр миёни бонувон дар даври интихобӣ натиҷаи 23.99 нишон дода, натавонист ба даври финалӣ роҳ ёбад. Ӯ миёни 23 нафар ҷои 11-умро ишғол намуд. Дар даври финалии ин намуди қувваозмоӣ 8 нафар иштирок мекунанд.
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
