Дар шаҳри Гулистон ҳамоиши байналмилалии байнисарҳадии «Дӯстӣ-2019» доир гардид
ДУШАНБЕ, 08.04.2019. /АМИТ «Ховар»/. Рӯзҳои 6-7 апрели соли равон дар Маркази таълимии Бонки миллии Ҷумҳурии Тоҷикистон дар шаҳри Гулистон ҳамоиши байналмилалии байнисарҳадии «Дӯстӣ-2019» доир гардид.
Тавре аз Вазорати корҳои дохилии Ҷумҳурии Тоҷикистон ба АМИТ «Ховар» хабар доданд, ҳамоиши мазкур дар доираи лоиҳаи муштараки «Дастгирии ҳамкории милитсия бо ҷомеа дар чаҳорчӯби ислоҳоти милитсияи Ҷумҳурии Тоҷикистон» аз ҷониби ВКД Ҷумҳурии Тоҷикистон, Ташкилоти ҷамъиятии «Ассотсиатсияи илмӣ-техникии зиёиёни Тоҷикистон», Ташкилоти байналхалқии ғайридавлатии «Дунёи бехатар» (Saferworld) ва шуъбаи мубориза зидди гардиши ғайриқонунии маводи мухаддир ва ҳифзи тартиботи Сафорати ИМА дар Тоҷикистон баргузор гардид.
Ҳамоиш барномаи байналхалқӣ буда, бо мақсади равнақ бахшидани дӯстӣ байни ҷумҳуриҳои Тоҷикистон ва Қирғизистон, пешгирӣ аз муноқишаҳои наздисарҳадӣ, таъмини амнияту бехатарӣ дар ҳудуди минтақаҳои наздисарҳадии вилоятҳои Суғд ва Бодканди ду ҳамсоякишвар равона гардид. Ҷиҳати иштирок дар ин ҳамоиш кормандони мақомоти корҳои дохилӣ, ходимони ҷамъиятиву давлатӣ, фаъолон, ҷавонони ташаббускор, намояндагони касбу кори гуногун аз ҳисоби сокинони шаҳру ноҳияҳои ҳамсарҳади Исфараи Тоҷикистон ва Бодканди Қирғизистон даъват гардиданд.
Ҳайати Ҷумҳурии Тоҷикистонро мушовири Вазири корҳои дохилӣ Ориф Ҷураев ва ҷониби меҳмононро муовини сардори РВКД Ҷумҳурии Қирғизистон Арстан Усанов роҳбаладӣ менамуданд.
Ба иттилои манбаъ, дар доираи лоиҳаи мазкур бо иштироки фаъолонаи ҷонибҳо суҳбати «мизи мудаввар» ва мусобиқаҳои варзишии футбол ва волейбол дар фазои дӯстиву якдигарфаҳмӣ ҷараён гирифтанд.
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Сафири Тоҷикистон бо муовини вазири корҳои дохилии Миср мулоқот намуд
Сафири Тоҷикистон бо муовини Вазири адлияи Эрон мулоқот намуд
Сироҷиддин Муҳриддин бо муовини парлумонии вазири корҳои хориҷии Ҷопон Эри Арфия мулоқот намуд
Сафири Тоҷикистон дар вохӯрии муовини Котиби давлатии ИМА бо сафирони кишварҳои Осиёи Марказӣ иштирок намуд
Ҳамкории дуҷонибаи Тоҷикистону Умон баррасӣ гардид
Сафири Тоҷикистон бо раиси Палатаи савдо ва саноати Салтанати Умон мулоқот намуд
Ҳамкории Тоҷикистон ва Эрон дар соҳаи илму фарҳанг баррасӣ шуд
Дар Берлин консерти ансамбли «Моҳирон» дар доираи фестивали байналмилалии Young Euro Classic баргузор гардид
Ҳамкории Тоҷикистону Кувайт дар соҳаи ҳуқуқи инсон баррасӣ шуд
Дар Кувайт ҳамкорӣ ва ҳамоҳангсозӣ дар самти консулӣ байни Тоҷикистон ва Давлати Кувайт баррасӣ гардид
Дар Вена масъалаҳои таҳкими ҳамкории илмӣ-фарҳангии Тоҷикистон ва Австрия баррасӣ гардиданд
