ФУТБОЛ: пирӯзии «Хатлон» бар дастаи «Панҷшер» ва мусовии «Хуҷанд» бо КМВА «Помир»
ДУШАНБЕ, 22.04.2019. /АМИТ «Ховар»/. 21 апрел се бозии даври сеюми Чемпионати Тоҷикистон оид ба футбол миёни дастаҳои Лигаи олӣ баргузор шуд. Тафсилоти бештари мавзӯъ аз шореҳи варзиши АМИТ «Ховар» Меҳрони ҚУРБОН.
Дастаи КМВА «Помир» соҳиби аввалин холҳо дар мавсими нав гардида, дастаи футболи «Хатлон» аввалин ғалабаашро ҷашн гирифт ва дастаи футболи «Панҷшер» 3 хол аз даст дод.
Дастаи футболи «Хатлон»-и Бохтар, ки чемпионати имсоларо натиҷабахш оғоз накард, дар ин давр дар майдони худ бар дастаи «Истаравшан» бо ҳисоби 2:1 ғалаба кард. Голҳои дастаи ғолибро Кароматулло Саидов ва Равшан Азизов ба ҳадаф расониданд. Голи дастаи «Истаравшан»-ро Фирӯз Қараев аз пеналтӣ ба нишон расонид.
Дастаи футболи «Хуҷанд» дар майдони худ бо дастаи КМВА «Помир» бо ҳисоби 1:1мусовӣ бозӣ кард. Шарафҷон Солеҳов дар дақиқаи 57-ум дастаи артишро ба пеш баровард. Дар охири бозӣ легионери узбекистонии «Хуҷанд» ҳисобро баробар кард.
Дар бозии дигар дастаи «Панҷшер» дар майдони худ аз «Регар-ТадАЗ» бо ҳисоби 0:1шикаст хӯрд. Голи ягонаро Нозим Бобоҷонов дар дақиқаи 70-ум ба ҳадаф расонид.
Ёдовар мешавем, ки бозии байни дастаҳои футболи «Кӯктош» ва «Истиқлол» имрӯз, 22 апрел баргузор мегардад.
Оғози бозӣ соати 16:30.
МАВҚЕИ ДАСТАҲО ДАР ҶАДВАЛИ ЧЕМПИОНАТ
| ДАСТАҲО | Б | Ғ | М | Б | Т/Т | Х | |
| 1 | «Истиқлол» (Душанбе) | 2 | 2 | 0 | 0 | 7-2 | 6 |
| 2 | «Регар-ТадАЗ» (Турсунзода) | 3 | 2 | 0 | 1 | 5-4 | 6 |
| 3 | «Панҷшер» (Ҷалолиддин Балхӣ) | 3 | 2 | 0 | 1 | 3-2 | 6 |
| 4 | «Хуҷанд»(Хуҷанд) | 3 | 1 | 1 | 1 | 3-3 | 4 |
| 5 | «Истаравшан» (Истаравшан) | 3 | 2 | 0 | 1 | 4-5 | 3 |
| 6 | «Кӯктош» (Рӯдакӣ) | 2 | 1 | 0 | 1 | 2-3 | 3 |
| 7 | «Хатлон» (Бохтар) | 3 | 1 | 0 | 2 | 3-5 | 3 |
| 8 | КМВА «Помир» (Душанбе) | 3 | 0 | 1 | 2 | 1-4 | 1 |
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
Дастаи мунтахаби Тоҷикистон дар Чемпионати расмии ҷаҳон оид ба ҷиу-ҷитсу соҳиби 9 медал гардид
Бахшида ба Рӯзи варзишгарони Тоҷикистон дар ноҳияи Фирдавсии пойтахт ҳамоиши тантанавӣ доир шуд
ФУТБОЛ. Доварони Тоҷикистон дар семинари доварони элитаи КФО дар Тошканд иштирок намуданд
Намояндагони Федератсияи футболи Тоҷикистон дар семинар барои комиссарони нави бозиҳои CAFA иштирок карданд
ФУТБОЛ. Пагоҳ бозиҳои даври 13-уми Чемпионати Тоҷикистон байни дастаҳои Лигаи олӣ оғоз мегардад
