Намояндагони Тоҷикистон дар Фестивали байналмилалии санъати бахшӣ иштирок намуданд
ДУШАНБЕ, 8.04.2019. /АМИТ «Ховар»/. Рӯзҳои 4-7 апрели соли равон дар шаҳри Тирмизи Ҷумҳурии Ӯзбекистон Фестивали байналмилалии санъати бахшӣ доир гардид.
Тавре аз маркази матбуоти Вазорати фарҳанги Ҷумҳурии Тоҷикистон ба мухбири АМИТ «Ховар» хабар доданд, маросими ботантанаи ифтитоҳи фестивал 5 апрел дар амфитеатри шаҳр бо иштироки Президенти Ҷумҳурии Ӯзбекистон Шавкат Мирзиёев ба вуқӯъ пайваст. Сарвари давлати Ӯзбекистон зимни фестивал оид ба мақоми фестивали байналмилалӣ, муколамаи фарҳангҳо ва рушду нумӯи минбаъдаи санъати бахшӣ сухан ронда, ба ҳамаи иштирокчиён, аз ҷумла намояндагони Тоҷикистон, Озарбойҷон, Булғористон, Эрон, Белгия, Афғонистон, Исроил, Қазоқистон, Қирғизистон, Сингапур, Сербия, Чин, Кореяи Ҷанубӣ, Молдова, Финландия, Россия, Туркманистон, Туркия ва Франсия бо зикри номи роҳбарони ҳайатҳо изҳори сипос намуд.
Ба иттилои манбаъ, дар барномаи фестивал мамлакати моро Вазири фарҳанги Ҷумҳурии Тоҷикистон Шамсиддин Орумбекзода, номзади илмҳои санъатшиносӣ Кароматулло Раҳимов, достонсароёни машҳури халқӣ Азизбек Зиёев ва Ҳотам Ҳокимов намояндагӣ карданд.
Гӯяндаи халқии тоҷик Ҳотам Ҳакимов имсол ба синни 93 даромад. Ӯ сокини деҳаи Оби Хирфи ҷамоати деҳоти Зиддии ноҳияи Варзоб мебошад. Ҳотам Ҳакимов беш аз 60 сол боз гӯруғлисароӣ мекунад ва фолклори мардуми Тоҷикистонро борҳо дар саҳнаҳои гуногуни олам муаррифӣ кардааст. Ӯ асосан гӯруғлисароӣ мекунад ва шаш достони ин эпоси халқиро азёд медонад.
Ҳотам Ҳакимов ду сол пеш Тоҷикистонро дар фестивали байналмилалии достонсароён, ки дар Туркманистон баргузор шуд, намояндагӣ карда, беҳтарин дониста шуда буд. Вай дар Симпозиуми 3-юми байналмилалӣ «Харитаи мусиқии ҷаҳон», ки дар Москва доир шуд, бомуваффақият ҳунарнамоӣ намуд. Ба ҳунари гӯруғлисароии Ҳотам Ҳакимов дар саҳнаҳои Амрико ва Ҳиндустон низ борҳо кафкӯбӣ намудаанд…
Дар доираи фестивали Термез 6 апрел конференсияи илмӣ-амалӣ дар мавзӯи «Нақши санъати бахшӣ дар фарҳанги тамаддуни ҷаҳонӣ» сурат гирифт, ки дар чаҳорчӯбаи он олимон аз кишварҳои гуногуни дунё, аз ҷумла аз Тоҷикистон оид ба паҳлӯҳои гуногуни ин ҳунари мардумӣ ибрози андеша намуданд.
Бояд зикр намуд, ки дар кишварҳои Осиёи Миёна бахшӣ ба маънои ҳунарманди мардумӣ омада, ҳамчун иҷрокунандаи ҳунари фолклорӣ шинохта мешавад ва гурӯғлисароӣ низ намунае аз он маҳсуд меёбад.
ДАР АКСҲО: Президенти Ҷумҳурии Ӯзбекистон Ш. Мирзиёев ҳангоми дидор аз Фестивали санъти бахшӣ; гурӯғлисарои номвари тоҷик Ҳотам Ҳакимов.
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
Дар шаҳри Душанбе маҳфили «Шоҳномахонӣ» баргузор шуд
«ТОҶИ СОМОН». Қабули филмҳо барои иштирок дар синамоҷашнвораи миллӣ то 15 сентябр идома меёбад
«МОДАРНОМА». Дар Осорхонаи миллӣ намоиши асарҳои Рассоми халқии Тоҷикистон Сабзаалӣ Шариф ифтитоҳ ёфт
