5 нафар иштирокчиёни Ҷанги дуюми ҷаҳонӣ дар ноҳияи Бобоҷон Ғафуров қадрдонӣ шуданд
ХУҶАНД, 07.05.2019 /АМИТ «Ховар»/. Соли равон ба ғалабаи халқи Иттиҳоди Шӯравӣ бар фашизм, ки ҳамасола 9 май чун Рӯзи Ғалаба таҷлил мегардад, 74 сол пур мешавад. Аз ин лиҳоз бахшида ба ин сана ва пос доштани хотираи ин абармардони майдони ҷанг дар манотиқи гуногуни мамлакат, аз ҷумла ноҳияи Бобоҷон Ғафуров тайи ҳафтаи аввали моҳи май барномаҳои мухталиф ва аёдати ин мардони далер доир гардида истодааст.
Тавре ба хабарнигори АМИТ «Ховар» Абдуаҳад Дадабоев роҳбари дастгоҳи раиси ноҳияи Бобоҷон Ғафуров Акбар Юсуфӣ иттилоъ дод, ҳоло дар ноҳия 5 нафар иштирокчиёни набардҳои солҳои 1941-1945 иқомат доранд. Онҳо ҳамарӯза аз дастгириву кумаки Сарвари давлат ва мақомоти вилоятиву ноҳиявӣ бархӯрдоранд.
Аз ҷумла, дирӯз дар доираи баргузории чорабиниҳои Ҳафтаи поси хотир ба 5 нафар иштирокчиёни Ҷанги дуюми ҷаҳонӣ кумаки яквақтаи Пешвои миллат супорида шуд.
Аз ҷумла, сардори Раёсати коргузорӣ ва назорати Дастгоҳи иҷроияи Президенти Ҷумҳурии Тоҷикистон Ҳ. Давлатзода иштирокчиёнро аз номи Президенти мамлакат табрик намуда, бо орзуи бардамию сиҳатмандӣ ба онҳо туҳфаҳои идона супорид.
Инчунин раиси ноҳияи Бобоҷон Ғафуров Зариф Назирӣ ин абармардони Ватанро табрик намуда, ба онҳо кумаки яквақтаи Раиси вилояти Суғд ва Мақомоти иҷроияи ҳокимияти давлатии ноҳияро тақдим намуд.
Ииштирокчиёни Ҷанги дуюми ҷаҳонӣ — Абдуҳамид Юлдошев, Эшбой Умурзоқов, Аҳмадҷон Ҳобилов, Шарифҷон Ғафуров ва Абдулло Исмоилов барои ғамхориҳои доимии давлату Ҳукумат дуои нек намуданд.
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
