Ҳайати Ҷумҳурии Тоҷикистон дар ҷаласаҳои шӯроҳои вазирони корҳои хориҷии СҲШ ва СААД иштирок намуд
ДУШАНБЕ, 23.05.2019 /АМИТ «Ховар»/. 22 майи соли 2019 дар ш.Бишкек таҳти раёсати Ҷумҳурии Қирғизистон ҷаласаҳои шӯроҳои вазирони корҳои хориҷии Созмони ҳамкории Шанхай ва Созмони Аҳдномаи дастаҷамъӣ баргузор гардиданд.
Тавре ба АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад, дар кори он ҷаласаҳо ҳайати Ҷумҳурии Тоҷикистон бо сарварии Вазири корҳои хориҷӣ Сироҷиддин Муҳриддин ширкат варзид.
Роҳбарони ҳайатҳои давлатҳои аъзои СҲШ-ро Президенти Ҷумҳурии Қирғизистон Сооронбой Жээнбеков ба ҳузур пазируфт.
Дар нимаи аввали рӯз ҷаласаи Шӯрои вазирони корҳои хориҷии давлатҳои аъзои СҲШ барпо гардид, ки дар доираи он тарафҳо рафти татбиқи мувофиқаҳои қаблан ҳосилшуда ва омодагиро ба иҷлосияи навбатии Шӯрои сарони давлатҳои СҲШ мавриди баррасӣ қарор доданд.
Зимни суханронии С.Муҳриддин мавқеи Тоҷикистон оид ба ҷанбаҳои асосии ҳамкориҳо дар доираи СҲШ баён гардида, масъалаҳои рӯзмарраи байналмилалӣ ва минтақавӣ низ қайд карда шуданд.
Нимаи дуюми рӯзи 22 майи соли 2019 Вазири корҳои хориҷии Ҷумҳурии Тоҷикистон дар ҷаласаи Шӯрои вазирони корҳои хориҷии СААД иштирок намуд.
Пас аз вохӯрӣ бо Президенти Ҷумҳурии Қирғизистон Сооронбой Жээнбеков, вазирони корҳои хориҷии давлатҳои аъзои СААД масоили доғи соҳаи амнияти байналмилалӣ ва минтақавӣ, ҳамкориҳои давлатҳои аъзо дар доираи Созмон ва дар арсаи байналмилалӣ, муқовимат ба терроризм ва экстремизми байналмилалӣ, инчунин дигар масъалаҳои қобили таваҷҷуҳи давлатҳои аъзои СААД-ро муҳокима намуданд.
Дар рафти суханронӣ зимни ҷаласаи Шӯрои вазирони корҳои хориҷии СААД Вазири корҳои хориҷӣ С.Муҳриддин мавқеи Тоҷикистонро доир ба масъалаҳои рӯзномаи ҷаласа иброз дошта, аз ҷумла ба вазъи ноором дар марзҳои ҷанубии минтақаи таҳти масъулияти СААД, махсусан дар ҳамсоякишвари Афғонистон ишора кард, инчунин зарурати кӯшишҳои муштаракро ҷиҳати муборизаи самарабахш бо терроризм ва экстремизм, кам кардани таҳдидҳое, ки аз марзҳои ҷанубии Созмон сар мезананд, изҳор намуд.
Сафири Тоҷикистон дар Олмон бо Президенти Ландтаги Саксония-Анҳалт мулоқот намуд
Намояндаи доимии Тоҷикистон дар Форуми минтақавӣ оид ба рушди устувори Комиссияи иқтисодии СММ барои Аврупо иштирок намуд
Сафири Тоҷикистон бо роҳбарияти Федератсияи палатаҳои тиҷоратии Арабистони Саудӣ вохӯрӣ намуд
Идибек Қаландар бо роҳбари Намояндагии Кумитаи байналмилалии Салиби Сурх дар Тоҷикистон мулоқот намуд
Шараф Шерализода дар ҷаласаи ассамблеяҳои ғайринавбатии кишварҳои аъзои Созмони умумиҷаҳонии моликияти зеҳнӣ иштирок намуд
Дар Душанбе бақайдгирии намояндагони ВАО барои иштирок дар Конфронси минтақавии Созмони озуқаворӣ ва кишоварзии СММ оғоз шуд
Фаррух Шарифзода дар Форуми дипломатии Анталия иштирок намуд
Ҷумҳурии Тоҷикистон раиси иҷлосияи 60-уми Комиссияи СММ оид ба аҳолӣ ва рушд интихоб шуд
Сафири Тоҷикистон бо муовини вазири корҳои хориҷии Миср мулоқот намуд
Дар Москва вохӯрии нуҳуми вазирони корҳои хориҷӣ дар қолаби «Осиёи Марказӣ – Русия» баргузор гардид
Дар Душанбе масъалаҳои мубрами ҳамкорӣ байни Тоҷикистон ва ЮНИСЕФ баррасӣ гардид
Сироҷиддин Муҳриддин дар ҷаласаи Шурои Вазири корҳои хориҷии ИДМ иштирок намуд
