Ҷаласаи навбатии Комиссия оид ба танзими раванди муҳоҷират баргузор гардид
ДУШАНБЕ, 20.05.2019. /АМИТ «Ховар»/. Чанде қабл дар бинои Ҳукумати Ҷумҳурии Тоҷикистон зери роҳбарии муовини Сарвазири мамлакат Азим Иброҳим ҷаласаи навбатии Комиссияи байниидоравии танзими равандҳои муҳоҷирати назди Ҳукумати Ҷумҳурии Тоҷикистон баргузор гардид.
Муовини Сарвазир аз роҳбарони сохторҳои масъули соҳавӣ талаб намуд, ки онҳо вазифадоранд дар кишварҳое, ки муҳоҷирони меҳнатӣ кору фаъолият доранд корро тавре ба роҳ монанд, ки дар ҳолати рух додани мушкилӣ муҳоҷирон донанд, ки ба онҳо чи тавр дар тамос шаванд ё ин ки ба наздиктарин шуъбаи намояндагии онҳо дар минтақаҳо муроҷиат намоянд.
«Вобаста ба ин бо мақсади ҳифзи ҳуқуқи муҳоҷирони меҳнатӣ сохторҳои масъул, намояндагони сохторҳои қудратӣ, меҳнат, муҳоҷират ва шуғли аҳолӣ дар ҳамкорӣ бо шарикони худ, сафоратхонаҳо ва намояндагиҳои онҳо дар минтақаҳо вазифадор мебошанд, ки ба муҳоҷирон диққати бештар диҳанд ва аз лиҳози муносибати хуби инсонӣ дар ҳалли мушкилоти онҳо дар доираи имконият кумаки амалӣ расонанд, зеро рух додани нохушӣ бо муҳоҷире оилаеро дар Тоҷикистон саргардон мекунад»,-таъкид намуд А.Иброҳим.
Муовини Сарвазир махсус таъкид намуд, ки маҳз вазорату идораҳои аъзои ин Комиссия масъули ҳимояи ҳуқуқи муҳоҷирон мебошанд ва аз шумо талаб карда мешавад, ки вазифаҳои дар наздатон гузошташударо бо масъулияти баланд иҷро намоед.
Ҳамзамон аз аъзои Комиссия талаб карда шуд, ки дар инъикоси паҳлўҳои фаъолияти худ воқеъбинона рафтор намоянд ва ба рақамҳои омории самти муҳоҷирати меҳнатӣ вобастабуда диққати ҷиддӣ диҳанд, зеро дар паси ҳар рақам тақдири инсонест ва ба ин мо набояд бетаваҷҷуҳ бошем.
Муовини Сарвазир зикр намуд, ки барои баъзе аз шаҳрвандон дар муҳоҷират будан имконият барои ташаккул додани касбияту тахассус мебошад. Дар давраи дарозмуҳлат ин метавонад заминаи муносиб барои таъсиси фаъолиятҳои касбии доимӣ, аз қабили ташкили корхонаҳои хурди истеҳсолӣ, муштарак ва тавлидотӣ дар мамлакат гардад. Хушбахтона ин таҷрибаро мо дорем. Ҳамзамон ташкилоту муассисаҳо низ метавонанд аз донишу малака ва кордонии чунин мутахассисон истифода намоянд.
Аъзои Комиссия ва иштирокчиёни ҷаласа низ баён намуданд, ки бо истифода аз тамоми шароити мавҷуда барои ҳимоя намудани ҳуқуқи муҳоҷирони меҳнатӣ ва ҳалли мушкилоти ҷойдошта талош намуда, бо ҳамтоёни худ ҳамкории судманд ба роҳ мемонанд.
Дар ноҳияи Зафаробод агрегати нави пойгоҳи обкашии «Мирзочӯл-2» ба истифода дода шуд
Дар басти якуми истироҳатгоҳи «Ширкент» зиёда аз 320 нафар кӯдакону наврасон ба истироҳати бофароғат ҷалб гардиданд
Доир ба хатари сиёсисозии дини ислом ба амнияту суботи давлат ва ҷомеа конференсияи илмӣ-амалӣ баргузор гардид
Вазирони тандурустии давлатҳои аъзои ТУТ масъалаи муқовимат ба ҳолатҳои фавқулодаро баррасӣ намуданд
Дар Фаронса дастовардҳои Тоҷикистон дар самти ислоҳоти судӣ — ҳуқуқӣ муаррифӣ гардид
ИМРӮЗ–РӮЗИ ТАЪСИСИ БОЗРАСИИ ДАВЛАТИИ АВТОМОБИЛӢ. Амнияти ҳаракат дар роҳ самти асосии фаъолияти ин мақомот мебошад
Дар моҳи июл Тоҷикистонро чӣ гуна ҳаво интизор аст?
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
