Фестивали фарҳангии донишҷӯёни хориҷӣ дар Тоҷикистон ҷавонони ҷаҳонро ба ҳам овард
ДУШАНБЕ, 15.05.2019 /АМИТ «Ховар»/. Шоми 14 май бахшида ба Рӯзи ҷавонони Тоҷикистон дар Амфитеатри Боғи фарҳангию фароғатии ба номи Абулқосим Фирдавсии шаҳри Душанбе нахустин Фестивали фарҳангии донишҷӯёни хориҷӣ таҳти унвони «Дӯстии ҷавонони ҷаҳон поянда бод!» баргузор гардид. Дар он намояндагони Кумитаи кор бо ҷавонон ва варзиш, сафоратҳои кишварҳои хориҷӣ дар Тоҷикистон, ҷавонони фаъол ва донишҷӯёни хориҷие, ки дар Тоҷикистон таҳсили илм менамоянд, иштирок намуданд.
Раиси Кумитаи кор бо ҷавонон ва варзиш Аҳтам Абдуллозода иштирокчиёни фестивалро хайрамақдам гуфта, зикр намуд, ки ҳоло дар доираи моҳвораи ҷавонон дар сар то сари Тоҷикистон барномаҳои фарҳангиву фароғатӣ ва илмиву маърифатӣ роҳандозӣ шудаанд. Имрӯз барои ҷавонон тамоми шароити мавҷуда фароҳам оварда шудааст. Зеро ҷавонон ояндасози давлату миллат маҳсуб ёфта, зери таваҷҷуҳи ҳамешагии Пешвои миллат муҳтарам Эмомалӣ Раҳмон қарор доранд.
«Дар Фестивали фарҳангии донишҷӯёни хориҷӣ таҳти унвони «Дӯстии ҷавонони ҷаҳон поянда бод!» беҳтарин сарояндагону навозандагон ва ҳунармандони ҷавон аз ҷумҳуриҳои Тоҷикистон, Афғонистон, Чин, Ӯзбекистон, Қирғизистон, Қазоқистон, Ҳиндустон, Туркманистон, Федератсияи Россия ва Туркия иштирок дошта, ҳунару маҳорати худро нишон медиҳанд. Бояд гуфт, ки донишҷӯёни хориҷӣ дар баробари таҳсили илм инчунин саҳми худро дар муаррифии давлату миллат ва фарҳанг мегузоранд», — гуфт Аҳтам Абдуллозода.
Ба зикри иштирокчии Фестивали фарҳангии донишҷӯёни хориҷӣ, намояндаи Ҷумҳурии Исломии Афғонистон Шуайб Устод ҳамоиши имрӯза иқдоми наҷиб буда, он барои мустаҳкам намудани дӯстии ҷавонони ҷаҳон заминаи мусоид фароҳам меоварад.
«Ман хушбахт аз он ҳастам, ки ҷое ки зиндагӣ ва таҳсил менамоям, давлати орому осуда аст ва аҳолияш низ хушбахтона умр ба сар мебаранд. Мо аз кишваре намояндагӣ мекунем, ки дар он ҷо ҷанг ҷараён дорад. Умедворам, ки рӯзе Афғонистон низ ба мисли Тоҷикистон амнияти худро ба даст меоварад ва мо низ чунин фестивалҳоро дар мамлакати худ роҳандозӣ намуда, дӯстони худро даъват менамоем»,- гуфт Шуайб Устод.
Ёдовар мешавем, ки Фестивали фарҳангии донишҷӯёни хориҷие, ки дар Ҷумҳурии Тоҷикистон таҳсил доранд, аз ҷониби Маҳфили «Ҷавонони дар хориҷи кишвар таҳсилдошта»-и Кумитаи кор бо ҷавонон ва варзиш роҳандозӣ гардид. Ҳадаф аз баргузории он мустаҳкам намудани дӯстии ҷавонони ҷаҳон, ҳамгироиву ҳамдигарфаҳмӣ, муаррифии фарҳангҳои ҳамдигар ва тақвият додани ҳамкориву дастгирии ҷавонони олам мебошад.
Дар анҷоми фестивал иштирокчиёни фаъол бо сипоснома ва туҳфаҳо қадрдонӣ шуданд.
Дар моҳи июл Тоҷикистонро чӣ гуна ҳаво интизор аст?
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
ОГОҲӢ! Аз 1 то 3 июл дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Оид ба амалишавии Стратегияи миллии фаъолгардонии нақши занон дар Тоҷикистон конференсия доир шуд
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
Пагоҳ Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мешавад
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
