КИ ҲХДТ дар шаҳри Душанбе даври сеюми озмуни «Забон донӣ — ҷаҳон донӣ»-ро ҷамъбаст намуд
ДУШАНБЕ, 20.05.2019 /АМИТ «Ховар»/. 17 май Кумитаи иҷроияи Ҳизби Халқии Демократии Тоҷикистон (КИ ҲХДТ) дар шаҳри Душанбе дар ҳамбастагӣ бо Донишкадаи давлатии забонҳои Тоҷикистон ба номи Сотим Улуғзода дар Муассисаи давлатии «Душанбе – Плаза» даври сеюми озмуни шаҳрии беҳтарин донандаи забонҳои хориҷиро таҳти унвони «Забон донӣ — ҷаҳон донӣ» миёни донишҷӯёни донишгоҳу донишкадаҳо ва коллеҷу литсейҳои ҳудуди шаҳри Душанбе ҷамъбаст намуд.
Тавре АМИТ «Ховар» бо истинод ба КИ ҲХДТ дар шаҳри Душанбе хабар меиҳад, озмунро раиси Кумитаи иҷроияи шаҳрии ҳизб Зоир Раҳмонзода ва ҳайати ҳакамони ҷамъбаст намуданд.
З. Раҳмонзода нахуст ҳозиринро ба фарорасии Рӯзи ҷавонони Тоҷикистон табрику шодбош гуфта, ба иштирокчиёни озмун муваффақияту бурдбориҳо таманно намуд.
Мавсуф зикр кард, ки озмуни мазкур бо мақсади дарёфти чеҳраҳои забондон, тарғиби омӯзиши забонҳои хориҷӣ ва ҳавасманд гардонидани донишҷӯён ба забондонӣ, инчунин дар заминаи дастуру супоришҳое, ки зимни Паёми навбатии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон баён гардиданд, гузаронида мешавад.
«Тибқи баҳогузории ҳайати ҳакамони озмун, ғолибон даври сеюми озмуни «Забон донӣ — ҷаҳон донӣ» муайян гардида, номи онҳо дар чорабинӣ бахшида ба Рӯзи ҷавонони Тоҷикистон, ки аз ҷониби КИ ҲХДТ дар шаҳри Душанбе рӯзҳои наздик гузаронида мешавад, эълон хоҳад шуд», — иттилоъ доданд аз КИ ҲХДТ ба АМИТ «Ховар».
Бояд тазаккур дод, ки ғолибони даври сеюми озмуни шаҳрӣ аз моҳи сентябри соли равон то шаш моҳ бо идрорпулии КИ ҲХДТ дар шаҳри Душанбе қадрдонӣ гардида, иштирокчиёни фаъоли озмун дар чорабинӣ бахшида ба Рӯзи ҷавонони Тоҷикистон бо Ифтихорномаю сипоснома ва туҳфаҳои хотиравии Кумитаи иҷроияи шаҳрии ҳизб сарфароз гардонида мешаванд.
Хотирасон менамоем, ки даври аввали озмун миёни донишҷӯёни муассисаҳои таълимии олӣ ва миёнаи касбӣ доир гардида, даври дуюми он бо иштироки ғолибони даври аввал аз тарафи кумитаҳои иҷроияи ҳизбии ноҳияҳои пойтахт гузаронида шуд. Дар натиҷа ғолибони даври дуюми озмун барои иштирок ба даври сеюми озмун, ки аз ҷониби Кумитаи иҷроияи шаҳрии ҳизб гузаронида шуд, роҳхат гирифтанд.
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
