ПАЛАВИ ТОҶИКИРО ДАР МОСКВА ШОҲИ ТАОМҲО НОМИДАНД. Дар Китобхонаи давлатии Россия монографияи нав муаррифӣ шуд
ДУШАНБЕ, 03.05.2019 /АМИТ «Ховар»/. 26 апрел дар Маркази адабиёти шарқи Китобхонаи давлатии Россия муаррифии монографияи «Лаззати Шарқ. Анъанаҳои гастрономӣ дар таърих, фарҳанг ва динҳои мардумони Осиё ва Африқо», ки дар кафедраи забонҳои ҳиндуэронӣ ва африқоии Донишкадаи давлатии муносибатҳои байналмилалии шаҳри Москва (ДДМБМ) таҳия шудааст, баргузор гардид. Китоб ба хотираи хатмкардагони Донишкадаи мазкур – ҷуфти ҷавон, кормандони Сафорати Россия дар Покистон, ки ҳангоми заминларза дар Непал (25 апрели соли 2015) вафот кардаанд, Алексей Липеев ва Мария Яковлева бахшида шудааст.
Яке аз бахшҳои монография «Палави тоҷикӣ ҳамчун хӯроки писандидаи фарҳанги бойи халқи тоҷик» ном дорад. Муаллифи ин бахши монографияи дастаҷамъона рӯзноманигори шинохта, доктори илмҳои ҷомеашиносӣ, профессори ДДМБМ Ҳалима Хушқадамова зимни суханронии худ дар бораи таҳлилҳо зикр карда, ба таҳлилгарон ва нашриёт барои дастгирӣ ва чопи лоиҳааш изҳори миннатдорӣ намуд.
Маросими муаррифии монография аз ҷониби донишҷӯёни ДДМБМ, ки забони бенгалӣ – ҳиндӣ ва паштуӣ – дариро меомӯзанд, бурда шуд. Духтарон бо сариҳои ҳиндӣ нусхаи китоби зебо печонидашударо ба директори Маркази адабиёти шарқи Китобхонаи давлатии Россия М. Меланина тақдим намуданд. Донишҷӯён ҳамчунин доир ба монографияи муаррифишуда викторина барпо намуданд. Ҳамин тавр, яке аз саволҳо чунин садо дод: «Кадоме аз хӯрокҳоро шоҳи таомҳо меноманд?».
ДАР АКС: зимни муаррифии монография
Якчанд нафар аз иштирокдорон «Палави тоҷикӣ» посух доданд. Ин сиғаи ғаймуқаррарӣ ба чорабинии мазкур фавқулодагӣ бахшид ва таъми ғайриодии таомҳои Шарқ ва ғановати фарҳанги халқҳои Осиё ва Африқоро махсус таъкид кард.
Даниил ОГНЕВ,
магистранти ДКОА ДДМ) ба номи М.В. Ломоносов
(гурӯҳи тоҷикӣ-форсӣ)
ДАР АКС: Дипломатҳои рус Алексей Липеев ва Мария Яковлева, ки дар Непал фавтидаанд
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
Дар шаҳри Душанбе маҳфили «Шоҳномахонӣ» баргузор шуд
«ТОҶИ СОМОН». Қабули филмҳо барои иштирок дар синамоҷашнвораи миллӣ то 15 сентябр идома меёбад
«МОДАРНОМА». Дар Осорхонаи миллӣ намоиши асарҳои Рассоми халқии Тоҷикистон Сабзаалӣ Шариф ифтитоҳ ёфт
