Сафири Ҳиндустон дар Тоҷикистон дар Хоруғ бо раиси вилоят ва хатмкардагони муассисаҳои олии Ҳиндустон мулоқот намуд
ХОРУҒ, 07.05.2019 /АМИТ «Ховар»/. Раиси вилояти Мухтори Кӯҳистони Бадахшон Ёдгор Файзов бо Сафири Фавқулода ва Мухтори Ҷумҳурии Ҳиндустон дар Ҷумҳурии Тоҷикистон Сомнатҳ Гҳош мулоқот намуда, оид ба тавсеаи ҳамкорӣ дар соҳаи маорифу тандурустӣ мубодилаи афкор намуданд.
Зикр гардид, ки беш аз 60 нафар донишҷуён аз шаҳру ноҳияҳои вилоят дар донишгоҳу донишкадаҳои олии ин давлат дар факултетҳои гуногун таҳсил менамоянд. Раиси вилоят изҳори умедворӣ намуд, ки дар оянда барои ҷалби мутахассисони соҳаҳои мухталифи мақомоти иҷроияи ҳокимияти давлатии вилоят барои такмили ихтисос ва бозомӯзӣ дар ҷумҳурии Ҳиндустон шароит фароҳам оварда мешавад. Сафири Ҷумҳурии Ҳиндустон дар Ҷумҳурии Тоҷикистон изҳор дошт, ки имсол 6 нафар мутахассисонро барои бозомӯзӣ ба кишвараш мефиристонад ва дар оянда ҳамкориро дар ин самт боз ҳам густариш медиҳад .
Дар мулоқот ҳамчунин масъалаи насби 3 адад дастгоҳҳои барқии офтобӣ дар деҳоти дурдасти ноҳияҳои Мурғобу Ванҷ бо иқтидори аз 24 то 101-киловатта баррасӣ гардид. Дар соҳаи тандурустӣ он нукта зикр гардид, ки аз ҳисоби Сафорати Ҳиндустон дар Тоҷикистон соли гузашта 4 адад мошини ёрии аввалини тиббӣ ба муассисаҳои табобатии вилоят тақдим гардид.
Сафири Ҳиндустон ҳамчунин бо хатмкардагони муассисаҳои олии ин кишвар, ки ҳоло дар шаҳру ноҳияҳои вилоят кору зиндагӣ мекунанд, мулоқоти кӯтоҳ анҷом дода, ба ноҳияҳои Мурғобу Ишкошим сафар кард.
Ҳамкории Тоҷикистон ва Беларус дар самти аттестатсияи кадрҳои илмӣ баррасӣ гардид
Фаррух Ҳамрализода бо сафири Подшоҳии Нидерланд дар Ҷумҳурии Тоҷикистон Нико Схермерс мулоқот намуд
Cафири Тоҷикистон бо Президенти «Маркази тиҷоратии ҷаҳонӣ»-и иёлати Ютаҳи ИМА вохӯрӣ намуд
Ҳамкории минтақавии кишварҳои Осиёи Марказӣ ва Эъломияи Хуҷанд дар Маркази Авруосиёи Шурои Атлантик баррасӣ шуд
Машваратҳои сиёсӣ байни вазоратҳои корҳои хориҷии Тоҷикистон ва Индонезия баргузор гардиданд
Дар Душанбе ҷаласаи навбатии комиссияи байниҳукуматии Тоҷикистону Эрон доир шуд
РАВАНДИ ОБИ ДУШАНБЕ. Сарвазири Тоҷикистон Конфронси чоруми байналмилалиро натиҷагирӣ намуд
РАВАНДИ ОБИ ДУШАНБЕ. Тоҷикистон мавқеи пешсафи худро дар пешбурди рӯзномаи ҷаҳонии об тасдиқ намуд
Умут Аҷар: «Дар Тоҷикистон чорабиниҳои байналмилалӣ дар сатҳи баланди ташкилӣ гузаронида мешаванд»
Сироҷиддин Муҳриддин: «Ҳамкории муассир ягона роҳи устувори ҳалли мушкилоти муштараки об мебошад»
РАВАНДИ ОБИ ДУШАНБЕ. Дар Душанбе ташаккули рӯзномаи ҷаҳонии об баъд аз соли 2030 баррасӣ шуд
Ҷонибек Ҳикмат: «Баргузории Конфронси сатҳи баланди оби Душанбе таҷассумгари саҳми шоистаи Тоҷикистон дар пешбурди рӯзномаи ҷаҳонии об мебошад»
