«СУҒД-2019». Дар ин Ярмаркаи байналмилалии савдо маҳсулоти тавлидоти ватанӣ муаррифӣ мегардад
ДУШАНБЕ, 30.05.2019/АМИТ «Ховар»/. 21 ва 22 июни соли равон дар шаҳри Хуҷанд 6 –умин Ярмаркаи байналмилалии савдо — «Суғд-2019» баргузор мегардад. Созмондиҳандагони Ярмаркаи мазкур Мақомоти иҷроияи ҳокимияти давлатии вилояти Суғд, Палатаи савдо ва саноати ин вилоят дар ҳамкорӣ бо шарикони рушд мебошанд.
Ҳадаф аз баргузории Ярмаркаи байналмилалии савдо дар шаҳри Хуҷанд дастгирии молистеҳсолкунандагони ватанӣ, ташкили корхонаҳои муштарак, ҷалби сармоя ва афзун намудани ҳаҷми содироти маҳсулоти истеҳсолшаванда ба кишварҳои хориҷӣ мебошад.
Тавре аз Палатаи савдо ва саноати Ҷумҳурии Тоҷикистон ба АМИТ «Ховар» хабар доданд, баргузории ин ярмаркаи байналмилалӣ имкониятҳои наву фарохро барои доираҳои соҳибкории вилояти Суғд ҷиҳати татбиқи нақшаҳои тиҷоратӣ тавассути табодули таҷрибаи касбӣ ва муаррифии лоиҳаҳои сармоягузории муосир фароҳам меорад.
Ҳамчунин Ярмаркаи байналмилалии савдо- «Суғд-2019» маконе хоҳад гардид, ки дар он фазои мусоид барои ба роҳ мондани ҳамкорӣ, бастани қарордодҳои ҳамкорӣ ва дигар шароити мусоиди тақвияти робитаҳои тиҷоратиро муҳаё месозад.
Интизор меравад, ки дар ҳошияи Ярмаркаи зикршуда баргузории ҳамоишу нишастҳо бо иштироки доираҳои соҳибкорӣ ва молистеҳсолкунандагони ватанӣ ташкил гардида, дар онҳо маҳсулоти тавлидотии ватанӣ муаррифӣ гарданд.
Ёдовар мешавем, ки дар панҷумин Ярмаркаи байналмилалии савдо – «Суғд-2018», ки моҳи июли соли гузашта дар Хуҷанд доир гардида буд, 150 корхонаю ширкатҳои тавлидотии шаҳру навоҳии Тоҷикистон маҳсулоти истеҳсолии худро ба намоиш гузошта, байни доираҳои соҳибкорӣ наздик ба 100 қарордоду созишнома ва дигар санадҳои ҳамкорӣ ба имзо расонида шуд.
Губернатори Ҳукумати мардумии музофоти Шэнсии Чин бо фаъолияти Минтақаи озоди иқтисодии «Данғара» шинос шуд
Тоҷикистон дар муборизаи байналмилалӣ барои ҳифзи бабри барфӣ саҳм мегузорад
МАСЛИҲАТИ МУТАХАССИС. Норасоии намӣ ба решаи дарахтон самаранокии боғотро паст мекунад
Густариши ҳамкории вилояти Хатлон бо музофоти Шэнсӣ баррасӣ шуд
Дар Душанбе ҳамкории иқтисодӣ ва татбиқи лоиҳаҳои муштараки Тоҷикистону Чин баррасӣ гардид
РӮЗИ ҶАҲОНИИ БЕХАТАРИИ ОЗУҚАВОРӢ. Бо мақсади таъмини бехатарии маҳсулот дар Тоҷикистон 14 озмоишгоҳ фаъолият дорад
Сарфаи неруи барқ танҳо вазифаи давлатӣ нест, балки масъулияти ахлоқии ҳар як шаҳрванди мамлакат аст
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
Бонки рушди Созмони ҳамкории Шанхай таъсис дода мешавад
Байни Тоҷикистон ва Қирғизистон Протокол оид ба мубодилаи маълумоти пешакии гумрукӣ дар бораи интиқоли молу воситаҳои нақлиёт ба имзо расид
Ҷаласаи 80-уми Шурои роҳбарони хадамотҳои гумруки давлатҳои иштирокдори Иттиҳоди Давлатҳои Мустақил баргузор гардид
