Ҳукумати Тоҷикистон ба ҷавонон-ояндаи давлату миллат боварии комил дорад, -бардошт аз мулоқот дар Истаравшан
ДУШАНБЕ, 07.05.2019 /АМИТ «Ховар»/. Дирӯз дар қасри фарҳанги шаҳри Истаравшан мулоқоти кормандони Вазорати корҳои дохилии Ҷумҳурии Тоҷикистон бо сокинон, фаъолони ҷомеа, донишҷӯён ва ҷавонони шаҳри мазкур доир гардид.
Тавре аз Вазорат ба мухбири АМИТ «Ховар» хабар доданд, дар ҳамоиш сардори Хадамоти пешгирии ҳуқуқвайронкунӣ байни ноболиғон ва ҷавонони ВКД Абдусаттор Фаттозода, сардори Маркази матбуоти Вазорат Умарҷони Эмомалӣ ва намояндагони ҳокимияти иҷроия, ҷавонони фаъоли гурӯҳи «Авангард» иштирок намуданд.
Муовини раиси шаҳри Истаравшан Нигора Наимҷонзода иброз дошт, ки чунин робитаву ҳамкорӣ ҷавононро ба сӯйи созандагиву бунёдкорӣ ҷалб менамояд.
Сардори Хадамоти пешгирии ҳуқуқвайронкунӣ байни ноболиғон ва ҷавонони Вазорати мазкур А.Фаттозода сатҳи ҷинояткорӣ ва дигар ҳуқуқвайронкунӣ дар байни ҷавононро шарҳ дода, иброз дошт, ки хеле тассуфовар аст, вақте ки бархе ҷавонон ба ҷойи омӯхтани илму ирфон, донишу маърифат ба ҷиноят ва ҳуқуқвайронкунӣ даст мезананд. Мавсуф аз таваҷҷуҳи ҳамешагии роҳбарияти давлат ба соҳаи маориф ёдовар гардида, зикр кард, ки Ҳукумати Ҷумҳурии Тоҷикистон ба ҷавонон- ин неруи созанда ва ояндаи давлату миллат боварии комил доранд.
Дар ҳамоиш сардори маркази матбуоти Вазорат Умарҷони Эмомалӣ вобаста ба дастовардҳои замони истиқлолият ибрози андеша намуда, таваҷҷуҳи ҷавононро ба ҷойгоҳи илму дониш ва одобу ахлоқ дар мероси адабии шоирону нависандагони форсу тоҷик ҷалб намуд.
Дар анҷоми ҷамъомад аз номи Вазири корҳои дохилӣ Рамазон Раҳимзода ба як гурӯҳ донишҷӯён ва фаъолони ҷомеа Ифтихорномаву Сипоснома тақдим карда шуд.
Густариши ҳамкорӣ бо намояндагони Бонки исломии рушд дар соҳаи таҳсилоти касбӣ баррасӣ гардид
Дар Санкт-Петербург бо донишҷӯёни тоҷик оид ба масъалаҳои будубош ва таҳсил вохӯрӣ доир шуд
Дар шаҳри Гулистони вилояти Суғд Форуми дуюми сулҳи Фарғона доир шуд
Байни Маркази тадқиқоти стратегӣ ва Бунёди «Peace Nexus» Ёддошти тафоҳуми ҳамкорӣ ба имзо расонида шуд
ТАРЗИ ҲАЁТИ СОЛИМ. Пиёдагардӣ умри инсонро дароз ва баданро ҷавон мекунад
Дар вилояти Суғд Форуми дуюми сулҳи Фарғона доир мешавад
Дар Маркази рушди ҳунармандӣ ва малакаҳои касбии муосир ба шаҳрвандон ройгон касб омӯзонида мешавад
Ҳайати Тоҷикистон дар ҷаласаи Шурои роҳбарони мақомоти муҳоҷиратии давлатҳои аъзои ИДМ иштирок намуд
Бо саҳми соҳибкорон ва шахсони саховатпеша дар Суғд 5 ҳазору 500 километр роҳҳои маҳаллӣ таъмиру навсозӣ карда шуданд
ПУРСИДЕД, ҶАВОБ МЕДИҲЕМ. Ҳангоми интиқоли маблағ ба кортҳои шахсони ношинос ба чӣ бояд диққат дод?
Дар Алмато платформаи миллии рақамии тандурустии Тоҷикистон муаррифӣ гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
