Вазири корҳои хориҷии Ҷумҳурии Қазоқистон Бейбут Атамқулов: «Қазоқистон ва Тоҷикистон мубодилаи молро то ба 1 миллиард доллар мерасонанд»
ДУШАНБЕ, 18.05.2019/АМИТ «Ховар»/. Имрӯз Президенти Ҷумҳурии Тоҷикистон муҳтарам Эмомалӣ Раҳмон Вазири корҳои хориҷии Ҷумҳурии Қазоқистон Бейбут Атамқуловро ба ҳузур пазируфт.
Тавре хабарнигори АМИТ «Ховар» хабар медиҳад, Вазири корҳои хориҷии Қазоқистон зимни натиҷагирӣ аз мулоқоташ бо Президенти Ҷумҳурии Тоҷикистон дар ҷамъи хабарнигорон гуфт «дар мулоқот бо Президенти Тоҷикистон масъалаҳои ҳамкории дуҷониба ва тақвияти робитаҳои минтақавӣ баррасӣ гардиданд».
Ҷонибхо муҳиммияти таҳкими ҳамкории иқтисодию тиҷоратиро матраҳ намуда, таъкид сохтанд, ки дар ин самт имконият ва иқтидорҳои бузург вуҷуд доранд, ки истифодаи он ба манфиати ҳар ду давлат аст.
Бейбут Атамқулов зикр кард, ки «соли 2018 гардиши мол байни Қазоқистон ва Тоҷикистон 840 миллион доллари амрикоиро ташкил дод ва ин нишондодро мо дар соли равон ба 1 миллиард доллар расониданием».
Ҳамзамон бо дахли тақвияти равобити мутақобилан судманди Қазоқистон ва Тоҷикистон Бейбут Атамқулов изҳор дошт, ки байни вазоратҳои корҳои хориҷии ҳар ду давлат дар масъалаҳои байналмилалӣ ва минтақавӣ ҳамкории самарбахш ба роҳ монда шудааст. Ҳамзамон миёни вазорату идораҳои марбутаи Қазоқистон ва Тоҷикистон дар бахшҳои нақлиёт, логистика, фарҳанг ва гуманитарӣ робитаҳои судманд роҳандозӣ гардидааст, ки дар тавсеаи муносиботи неки ду давлат нақши муассир мегузоранд.
Бояд тазаккур дод, ки Вазири корҳои хориҷии Ҷумҳурии Қазокистон Бейбут Атамқулов ҷиҳати иштирок дар машварати 7-уми вазирони корҳои хориҷии Муколамаи «Осиёи Марказӣ +Япония», ки имрӯз дар Душанбе доир гардид, ба Тоҷикистон ташриф овардааст.
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Сафири Тоҷикистон бо муовини вазири корҳои дохилии Миср мулоқот намуд
Сафири Тоҷикистон бо муовини Вазири адлияи Эрон мулоқот намуд
Сироҷиддин Муҳриддин бо муовини парлумонии вазири корҳои хориҷии Ҷопон Эри Арфия мулоқот намуд
Сафири Тоҷикистон дар вохӯрии муовини Котиби давлатии ИМА бо сафирони кишварҳои Осиёи Марказӣ иштирок намуд
Ҳамкории дуҷонибаи Тоҷикистону Умон баррасӣ гардид
Сафири Тоҷикистон бо раиси Палатаи савдо ва саноати Салтанати Умон мулоқот намуд
Ҳамкории Тоҷикистон ва Эрон дар соҳаи илму фарҳанг баррасӣ шуд
Дар Берлин консерти ансамбли «Моҳирон» дар доираи фестивали байналмилалии Young Euro Classic баргузор гардид
Ҳамкории Тоҷикистону Кувайт дар соҳаи ҳуқуқи инсон баррасӣ шуд
Дар Кувайт ҳамкорӣ ва ҳамоҳангсозӣ дар самти консулӣ байни Тоҷикистон ва Давлати Кувайт баррасӣ гардид
Дар Вена масъалаҳои таҳкими ҳамкории илмӣ-фарҳангии Тоҷикистон ва Австрия баррасӣ гардиданд
