Ҳайати Тоҷикистон дар Фестивали «Баҳори донишҷӯёни давлатҳои аъзои БРИКС ва СҲШ» иштирок дорад

Июнь 6, 2019 14:12

ДУШАНБЕ, 06.06.2019. /АМИТ «Ховар»/. 5 июни соли равон дар шаҳри Ставрополи Федератсияи Россия дар доираи баргузории  III  Фестивали байналмилалии «Баҳори донишҷӯёни давлатҳои аъзои БРИКС ва СҲШ» ҳамоиш баргузор гардид, ки дар он журналистони ҷавон доир ба паҳлуҳои гуногуни соҳаи журналистика мубодилаи афкор намуданд. Дар ин бора хабарнигори АМИТ «Ховар» Холисаи АСОМИДДИН, ки дар чорабинии мазкур ҳузур дошт, иттилоъ дод.

Дар ин фестивал аз Тоҷикистон 15 нафар ҷавонони фаъоли касбу кори гуногун таҳти роҳбарии Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода иштирок доранд.

Намояндаи Ҷумҳурии Тоҷикистон, корманди Муассисаи давлатии «Телевизиони Сафина» Зарина Ҷавакова оид ба «Нақш ва мавқеи ВАО дар рушди Тоҷикистон» баромад намуд.

«Ҷумҳурии Тоҷикистон яке аз мамлакатҳое мебошад, ки дар он озодии матбуот ва дигар воситаҳои ахбори омма кафолат дода шудааст. Имрӯз дар Тоҷикистони соҳибистиқлол зиёда аз 600 рӯзномаву маҷалла, 11 агентии иттилоотӣ ва даҳҳо телевизиону радиоҳои давлативу хусусӣ фаъолият мекунанд, ки саҳми онҳо дар рушди он назаррас мебошад»,- зикр намуд мавсуф.

Ёдовар мешавем, ки  дар шаҳри Ставрополи Федератсияи Россия III Фестивали байналмилалии «Баҳори донишҷӯёни давлатҳои аъзои БРИКС  ва СҲШ»  4 июн оғоз гардида, то 9 июн идома меёбад.

Дар фестивали мазкур намояндагони 23 кишвар, аз ҷумла Тоҷикистон, Бразилия, Россия, Ҳиндустон, Чин, Африқои Ҷанубӣ, Қазоқистон, Қирғизистон, Ӯзбекистон ва дигар давлатҳо иштирок доранд.

Июнь 6, 2019 14:12

Хабарҳои дигари ин бахш

ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
ҚУРБИ АСЪОР 1 евро аз 13.4481 то 13.5500 сомонӣ муқаррар шудааст
Пагоҳ дар Минск ҷаласаи Шӯрои намояндагони доимии кишварҳои ИДМ баргузор мешавад
Дар ноҳияи Шаҳринав 9 нафар ба кори доимӣ ва 30 нафар ба корҳои ҷамъиятии мавсимӣ роҳхат гирифтанд
БА ИСТИҚБОЛИ 25-СОЛАГИИ ВАҲДАТИ МИЛЛӢ. Сарраёсати ободонӣ ва хоҷагию манзилии шаҳри Хуҷанд соҳиби бинои нави маъмурӣ мегардад
ОБУ ҲАВО: Имрӯз дар Тоҷикистон ҳаво қисман абрнок ва бебориш дар назар аст
ОБУ ҲАВО: Имрӯз дар ноҳияҳои алоҳидаи Тоҷикистон борони кӯтоҳмуддат меборад
ОБУ ҲАВО: Имрӯз дар Тоҷикистон ҳавои камабри бебориш дар назар аст
Дар Тоҷикистон хатари зуҳуроти сел то охири ҳафта боқӣ мемонад
Дар Лахш оид ба тарбияи ҳарбӣ-ватандӯстӣ, тарғиби фарҳанги миллӣ ва пешгирии майли бегонапарастӣ ҳамоиш доир шуд
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
ОБУ ҲАВО: Шабонарӯзи наздик дар минтақаҳои алоҳидаи кӯҳии Тоҷикистон сар задани зуҳуроти селӣ дар назар аст