Барои кормандони Коллеҷи муҳандисию омӯзгории шаҳри Душанбе машғулият оид ба ТАС гузаронида шуд
ДУШАНБЕ, 24.06.2019 /АМИТ «Ховар»/. Аз 3 то 21 июни соли 2019 дар маркази тренингии Гурӯҳи идоракунии лоиҳаи «Тақвияти таҳсилоти касбӣ-техникӣ ва омӯзиш» давраи сеюм ва ниҳоии машғулият оид ба Таълим дар асоси салоҳият (ТАС) доир гардид.
Машғулияти мазкур барои кормандони Коллеҷи муҳандисию омӯзгории шаҳри Душанбе пешбинӣ шуда, дар он 74 нафар омӯзгорон иштирок намуданд. Машғулият аз ҷониби мутахассиси байналмилалӣ оид ба ТАС Йохан Шустередер ва мутахассис оид ба таҳияи барнома ва маводҳои таълимии лоиҳа Санавбар Қосимова гузаронида шуд. Тавре дар ин бора аз Вазорати меҳнат, муҳоҷират ва шуғли аҳолии Ҷумҳурии Тоҷикистон ба АМИТ «Ховар» хабар доданд, яке аз ҳадафҳои асосии машғулият ин баҳогузорӣ ва интихоби тренерон мебошад. Мутобиқи нақша пас аз гузаштани машғулиятҳо бояд тренерҳои интихобшуда ба омӯзгорони литсейҳои мамлакат методологияи таълим дар асоси салоҳиятро омӯзанд.
Омӯзиши мазкур дар асоси яке аз нишондиҳандаҳои лоиҳаи «Тақвияти таҳсилоти касбӣ-техникӣ ва омӯзиш» роҳандозӣ шуда, давраи якум ва дуюми он солҳои 2017 — 2018 гузаронида шуд.
Машғулияти навбатӣ барои тренерони оянда моҳи августи соли равон ба нақша гирифта шудааст.
Ёдовар мешавем, ки лоиҳаи «Тақвияти таҳсилоти касбӣ-техникӣ ва омӯзиш» дар асоси созишномаҳо байни Ҷумҳури Тоҷикистон ва Бонки Осиёии Рушд дар Тоҷикистон аз соли 2016 роҳандозӣ шудааст.
Мақсади асосии Лоиҳа омода намудани мутахассисони баландихтисос ва ҷавобгӯ ба талаботи бозори меҳнат мебошад. Инчунин он дар мустаҳкам намудани заминаҳои моддӣ-теникӣ ва барқарорсозии инфрасохторҳои литсейҳои касбии техникӣ, марказҳои таълими калонсолони Вазорати меҳнат, муҳоҷират ва шуғли аҳолии Ҷумҳурии Тоҷикистон равона гардида аст.
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
