Дар доираи намоишгоҳи байналмилалии боғдорӣ «EXPO 2019 Beijing» Рӯзи миллии Тоҷикистон доир мегардад
ДУШАНБЕ, 18.06.2019 /АМИТ «Ховар»/. Охири моҳи август дар доираи намоишгоҳи байналмилалии боғдорӣ «EXPO 2019 Beijing», ки имрӯзҳо дар Ҷумҳурии Мардумии Чин идома дорад, Рӯзи миллии Тоҷикистон баргузор мегардад.
Тавре аз Палатаи савдо ва саноати Ҷумҳурии Тоҷикистон ба АМИТ «Ховар» иттилоъ доданд, гӯшаи Тоҷикистон дар «EXPO 2019», ки 29 апрели соли равон дар Пекин ифтитоҳ гардид, таҳти шиори «Боғдорӣ дар руши деҳот» фаъолият дошта, яке аз сербинандатарин гӯшаҳо маҳсуб мешавад. Аз гӯшаи Тоҷикистон дар ин намоишгоҳ асосан шаҳрвандони Чин ва кишварҳои хориҷӣ, сайёҳон, ҳамзамон шаҳрвандони тоҷик — донишҷӯён, нафароне, ки дар сафари хидматӣ дар Чин қарор доранд, боздид менамоянд. Онҳо бо таърих, фарҳанги миллии тоҷикон, иқтидори захираҳои бои обию энергетикӣ, сайёҳӣ, ҳунарҳои мардумӣ ва рушди санъати боғдорӣ дар Тоҷикистон ошно мегарданд.
Бояд тазаккур дод, ки «EXPO-2019» дар Пекин таҳти унвони «Ҳаёти сабз-манзили зебо» гузаронида шуда, он зарфи панҷ моҳ идома меёбад. Интизор меравад, ки аз намоишгоҳи мазкур 16 млн нафар боздид намоянд. Намоишгоҳи «EXPO-2019» дар масоҳати 503 гектар дар канори руди Гуйшуй дар масофаи 10 км аз Девори бузурги Чин доман густурдааст, ки онро «Намоиши боғдории зери Девори бузурги Чин» низ ном мебаранд.
Майдони баргузории намоишгоҳи байналмилалии «EXPO-2019» аз толори Чин, толори байналмилалӣ, озмоишгоҳи ҳаётӣ, толори гулу гиёҳ ва маркази ҳунарнамоӣ иборат аст.
Дар намоишгоҳи байналмилалии боғдорӣ «EXPO-2019» 110 давлат ва созмонҳои байналмилалӣ ва 120 сохторҳои ғайрирасмӣ иштирок доранд, ки дар таърихи баргузории «EXPO» ин нишондод бесобиқа аст.
Дар «EXPO-2019» боғҳо бо фарҳанги боғдориву тарзи ҳаёти мардумони кишварҳои гуногуни сайёра бунёд гардидааст.Барои тамошобинон дар намоишгоҳ толорҳои фарҳанги боғдорӣ, гулу гиёҳҳои рангоранг ороста шудааст, ки боздидкунандагон имкон доранд, аз он беш аз 1200 навъ гулу гиёҳ, дарахту растаниро тамошо намоянд.
Бояд илова намуд, ки намоишгоҳи байналмилаии боғдорӣ «EXPO -2019» макони ба ҳам омадани тамоми навовариҳои соҳаи боғдории ҷаҳон арзёбӣ гардида, ҳарчанд тарҳи иморатҳо, намуди гулу гиёҳҳо аз ҳам тафовут доранд, вале кишварҳои иштирокчӣ мехоҳанд ҳаёти сабзи тахайюлоти худро муаррифӣ намуда, майлу хоҳишашонро барои ҳифзи табиат ва муҳити зист ифода намоянд.
Марзия САИДЗОДА,
АМИТ «Ховар»
Дар ноҳияи Деваштич дар 7070 гектар картошка кишт карда мешавад
Нигина Анварӣ: «Фонди махсуси навсозии системаҳои ирригатсионии Осиёи Марказӣ ташкил карда шавад»
Олег Кобяков: «Конфронси Душанбе ба таҳияи барномаи нави Созмони озуқаворӣ ва кишоварзӣ мусоидат мекунад»
Дар Душанбе оид ба Стратегияи рақамии дигаргунсозии системаҳои агроозуқаворӣ ҷаласа доир шуд
Раймунд Йелле: «Тоҷикистон дар масъалаҳои обу иқлим нақши муҳим дорад»
Директори Агентии инноватсия ва технологияҳои рақамӣ бо намояндагони пешбари ширкатҳои технологии чинӣ вохӯрӣ намуд
Дар ноҳияи Ҷайҳун ҷамъоварии ҳосили пиёзи барвақтӣ идома дорад
Доир ба робитаи байни захираҳои обӣ, энергетика, озуқаворӣ ва экосистемаҳо дар Аврупо ва Осиёи Марказӣ ҷаласа баргузор шуд
Дар Брюссел ҳамкории Тоҷикистон ва Белгия дар соҳаи андоз баррасӣ гардид
Мудири кулли ФАО: «Дар самти истифодаи самараноки захираҳои табиии обу замин бояд оқилона муносибат кард»
Иқтидори кишоварзию саноатии Тоҷикистон дар «Dushanbe EXPO Centre» ба маърази тамошо гузошта шуд
