Дар саҳни Донишгоҳи давлатии Хуҷанд муҷассамаи Абулқосим Фирдавсӣ қомат афрохт
ДУШАНБЕ, 22.04.2019 /АМИТ «Ховар»/. Дар саҳни Донишгоҳи давлатии Хуҷанд ба номи академик Бобоҷон Ғафуров дар пайи дифои рисолаҳои хатми донишҷӯёни факултети санъат муҷассамаи шоири барҷастаи форс-тоҷик Абулқосим Фирдавсӣ, инчунин қаҳрамонҳои асарҳои шоирони адабиёти классикии тоҷик, Сиёвуш, Фарҳоду Ширин ва муҷассамаи гурзпартои шинохтаи тоҷик Дилшод Назаров қомат афрохт. Дар ин хусус ба АМИТ «Ховар» аз Донишгоҳи давлатии Хуҷанд ба номи академик Бобоҷон Ғафуров иттилоъ доданд.
Бино ба хабари сарчашма Ректори донишгоҳ, профессор Ҷамшед Ҷӯразода дар ҷараёни дифои рисолаҳои хатми донишҷӯёни санъат иштирок карда, дар роҳи таҳким ва таҷдиди атрофи муҷассама ва бо ин васила, барои вусъат бахшидани корҳои эҷодию бедор намудани ҳисси зебоипарастии донишҷӯён ба садорати факултети санъат ва факултети санъати тасвирӣ ва технология тавсияҳои судманд ироа дошт.
Мавриди зикр аст, ки хатмкунандагони ихтисоси ҳайкалтарошии факултети санъати Донишгоҳи давлатии Хуҷанд ба номи академик Бобоҷон Ғафуров – Даврон Воситӣ, Сатторхӯҷа Тошхӯҷаев, Камол Муъминов ва Комилҷон Ҳасанов бо роҳбарии академики Академияи мусавварии Ҷумҳурии Тоҷикистон Рустам Маҷидов рисолаҳои хатмро бо пешкаши маҳсули эҷод, яъне сохтани муҷассамаҳои фавқуззикр дифоъ намуданд.
Дар мавзеи Сари Майни ноҳияи Айнӣ корҳои омӯзишии бостоншиносӣ ва антропологӣ оғоз ёфт
Санъаткорони Қирғизистон Осорхонаи миллии Тоҷикистонро тамошо карданд
Дар Душанбе бо мақсади рушди ҳамкорӣ дар самти илмҳои яхшиносӣ вохӯрӣ баргузор гардид
Ба Маркази мероси хаттӣ беш аз 100 нусха китобҳои чопи сангӣ ва дастнависҳо тақдим гардид
«ШОҲНОМА». Фирдавсӣ дар сар то сари ин асари безавол дӯст доштани Ватанро таъкид мекунад
Беш аз 23 ҳазор нусха китобҳои Китобхонаи миллии Тоҷикистон ба шаҳру ноҳияҳои ҷумҳурӣ фиристода шуд
«ДӮСТИИ АБАДӢ». Таҳту чунин унвон барномаи фарҳангии Тоҷикистон ва Қирғизистон доир мегардад
Собиқ Вазири фарҳанги Ҷумҳурии Тоҷикистон Тамара Абдушукурова аз олам даргузашт
Ҷаласаи вазирони фарҳанги давлатҳои аъзои Созмони ҳамкории Шанхай доир гардид
Имсол дар Академияи миллии илмҳои Тоҷикистон 8 озмоишгоҳи замонавӣ ба истифода дода шуд
ҲАРГИЗ НАМИРАД ОН КИ ДИЛАШ ЗИНДА ШУД БА ИШҚ. Девони Ҳофиз дар Тоҷикистон беш аз сад маротиба ба нашр расидааст
КУЛОЛГАРӢ. Саразми бостон яке аз нахустин марказҳои кулолгарии Осиёи Марказӣ будааст
