Дар Тоҷикистон V Анҷумани «Ҷавонони дар хориҷи кишвар таҳсилдошта» доир мегардад
ДУШАНБЕ, 28.06.2019./АМИТ «Ховар»/. 12 августи соли равон дар ҷумҳурӣ V Анҷумани «Ҷавонони дар хориҷи кишвар таҳсилдошта» баргузор мегардад. Дар Анҷумани мазкур фаъолияти солонаи маҳфил баррасӣ гардида, нақшаҳо барои соли хониши 2019-2020 тасдиқ мешаванд.
Тавре аз Кумитаи кор бо ҷавонон ва варзиш, роҳбари маҳфили «Ҷавонони дар хориҷи кишвар таҳсилдошта» Каримҷон Салимзода ба АМИТ «Ховар» иттилоъ дод, дар ин Анҷуман роҳбарони намояндагии маҳфил дар давлатҳои хориҷ, аъзои фаъоли он ва дигар масъулини соҳа иштирок менамоянд.
Ҳамзамон дар доираи баргузории ин Анҷуман ташкили як силсила чорабиниҳо, аз ҷумла конфронс, мизи мудаввар, тренинг ва машғулиятҳои омӯзишӣ дар назар дошта шудааст.
Мавриди зикр аст, ки маҳфили «Ҷавонони дар хориҷи кишвар таҳсилдошта» аз соли 2014 инҷониб дар назди Кумитаи кор бо ҷавонон ва варзиши назди Ҳукумати Ҷумҳурии Тоҷикистон таъсис ёфта, дар 16 давлати дунё намояндагии худро дорад. Маҳфили мазкур дар ҳамкорӣ бо намояндагии дипломатиии Ҷумҳурии Тоҷикистон дар хориҷи мамлакат дар баррасии мушкилоти илмомӯзии донишҷӯёни тоҷик ва дигар масъалаҳои ба ҳаёти онҳо марбут, мусоидат менамоянд.
Алҳол шумораи аъзои маҳфил беш аз 30 ҳазор нафарро ташкил медиҳад.
Дар Панҷакент иншооти иҷтимоӣ ва хизматрасонӣ ифтитоҳ гардиданд
Ҳамкории Тоҷикистон бо Гурҷистон дар такмили низоми нафақа густариш меёбад
ОМОДАГӢ БА ЗИМИСТОН. Муассисаҳои тандурустии шаҳри Хуҷанд ба мавсими сармо ҳамаҷониба омода мешаванд
Ҷумҳурии Тоҷикистон Конвенсияи Созмони Милали Муттаҳид дар бораи ҳуқуқҳои маъюбонро тасдиқ кард
Забони тоҷикӣ дар фазои рақамӣ: аз пайкараи матнӣ то истилоҳоти ягона
Дар Душанбе симпозиум доир ба соҳаи онкология оғоз гардид
Барои маблағгузории нафақа беш аз 4 миллиард сомонӣ равона гардидааст
Форуми байналмилалии ҷавонони СҲШ оид ба ҳамкорӣ барои ояндаи устувор доир шуд
ИМРӮЗ-РӮЗИ БАЙНАЛМИЛАЛИИ КОҲИШИ ХАТАРИ ОФАТҲОИ ТАБИӢ. Дар Тоҷикистон барои пешгирии хатари офатҳо беш аз 60 миллион сомонӣ ҷудо гардидааст
Конференсияи илмӣ оид ба саҳми экспедитсияи бостоншиносӣ дар омӯзиши Панҷакенти қадим баргузор мегардад
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
Рӯзи дарҳои кушоди Академияи хурди илмҳои Тоҷикистон баргузор шуд
