ММТ: муҳлати марҳалаи иловагии азнавбақайдгирӣ тамдид карда шуд
ДУШАНБЕ, 21.06.2019. /АМИТ «Ховар»/. Маркази миллии тестии назди Президенти Ҷумҳурии Тоҷикистон хабар медиҳад, ки муҳлати марҳалаи иловагии азнавбақайдгирӣ то 30 июни соли равон тамдид гардид. Ба таваҷҷуҳи довталабоне, ки дар марҳалаи асосӣ (аз 1 март то 30 апрел) худро номнавис кардаанду интихобҳои аввалаи худро иваз кардан мехоҳанд, расонида мешавад, ки муҳлати марҳалаи иловагии азнавбақайдгирӣ то 30 июн тамдид карда шуд.
Дар ин бора аз Маркази мазкур ба АМИТ «Ховар» хабар доданд.
Ёдовар мешавем, ки марҳалаи иловагии азнавбақайдгирӣ дар 2 нуқтаи бақайдгирии шаҳри Душанбе, ки дар заминаи муассисҳои таълимии таҳсилоти миёнаи умумии № 70-и ноҳияи Исмоили Сомонӣ ва №100-и ноҳияи Шоҳмансур ташкил карда шудаанд, сурат мегирад.
Довталаби хоҳишманд метавонад барои аз нав сабти ном кардан ҷиҳати иваз намудани интихобҳои аввалаи худ ба яке аз ин нуқтаҳо муроҷиат намояд.
Маълумоти муфассалро дар бораи марҳалаи иловагии азнавбақайдгирӣ аз эълон («Марҳалаи иловагии бақайдгирӣ ва азнавбақайдгирӣ»), ки дар сомонаи Марказ (http://ntc.tj/tj/1019-marhalai-ilovagi-2019.html) нашр карда шудааст, дастрас кардан мумкин аст.
15 июл дар якчанд кумитаю идора нишасти матбуотӣ баргузор мегардад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
Имрӯз дар водиҳои Тоҷикистон ҳаво то 43 дараҷа гарм мешавад
ТАЪТИЛИ ТОБИСТОНА. Дар Китобхонаи миллии Тоҷикистон барои наврасону ҷавонон маҳфилҳои омӯзишӣ баргузор мешаванд
Дар Тоҷикистон 11 лоиҳаи сармоягузорӣ дар соҳаи роҳу нақлиёт ба маблағи беш аз 1,1 миллиард доллар амалӣ мегардад
