Абдулло Қурбонзода: «Барои барқарор намудани заминҳои обёришаванда бояд маърифати истифодабарандагони обро баланд бардошт»
ДУШАНБЕ, 23.07.2019. /АМИТ «Ховар»/. Барои барқарор намудан ва беҳдошти заминҳои обёришаванда бояд, пеш аз ҳама, маърифати истифодабарандагони об баланд бардошта шавад. Бо ин мақсад дар тамоми қаламрави ҷумҳурӣ ассотсиатсияҳои истифодабарандагони об (АИО) таъсис дода шуда, қисми зиёди заминҳои обёришаванда зери назорати онҳо қарор доранд. Ин нуктаро имрӯз, 23 июл муовини аввали директори Агентии беҳдошти замин ва обёрии назди Ҳукумати Ҷумҳурии Тоҷикистон Абдулло ҚУРБОНЗОДА зимни нишасти матбуотӣ баён дошт.
«Мақсади асосии ассотсиатсияҳои истифодабарандагони об, пеш аз ҳама, оҷилона ва сарфакорона истифода бурдани об мебошад. Дар ин самт аз ҷониби гурӯҳҳои кории ассотсиатсияҳо дар байни истифодабарандагони об корҳои фаҳмондадиҳӣ ва барномаи махсус ташкил гардида, тақсими об дар заминҳои кишоварзӣ ба низом дароварда мешавад»,- иброз дошт Абдулло Қурбонзода.
Ба зикри номбурда, ҷиҳати таъмини иҷрои «Барномаи давлатии азхудкунии заминҳои нави обёришаванда ва барқарорсозии заминҳои аз гардиши кишоварзӣ берунмонда дар Ҷумҳурии Тоҷикистон барои солҳои 2012-2020» соли равон аз ҳисоби маблағҳои мутамаркази сохтмони асосии Агентии беҳдошти замин ва обёрии назди Ҳукумати Ҷумҳурии Тоҷикистон ҳолати бархе заминҳои нави обёришаванда беҳтар карда шуда, ба гардиши кишоварзӣ ворид мегарданд.
Ба иловаи Абдулло Қурбонзода, тибқи барномаи мазкур соли равон аз ҳисоби маблағҳои буҷети мутамаркази сохтмони асосии Агентӣ таъмин ва барқарорсозии 1450 гектар заминҳои аз гардиши кишоварзӣ берунмонда, аз ҷумла, ноҳияҳои Ҳисор, Рашт, Лахш, Сангвор, Тоҷикобод, Нуробод, Ховалинг, Восеъ, Муъминобод, Мастчоҳи Кӯҳӣ ва Конибодом дар назар дошта шудааст.
Дар ноҳияи Ашт неругоҳи офтобӣ ба истифода дода мешавад
НИШАСТИ МАТБУОТӢ. Дар Сангвор 854 субъекти соҳибкории инфиродӣ фаъолият менамояд
Дар Вазорати рушди иқтисод ва савдои Тоҷикистон рақамикунонии бизнес-равандҳо оғоз гардид
ЭНЕРГИЯИ «САБЗ». Дар корхонаҳои саноатӣ ва дигар иншооти вилояти Хатлон панелҳои офтобӣ насб карда мешаванд
НИШАСТИ МАТБУОТӢ. Дар Бадахшон дар шаш моҳ 25 корхонаю коргоҳи истеҳсолӣ ба истифода дода шуд
«НАҚЛИЁТИ «ҲУШМАНД»». Дар Душанбе ҷаласаи гурӯҳи кории татбиқи лоиҳаи рушди ин намуди нақлиёт баргузор гардид
Сохтмони зеристгоҳи барқии 110/10 кВ-и Варзишгоҳи миллӣ босуръат идома дорад
Дар нахустин Форуми маъданҳои муҳими Тоҷикистону Корея дар Сеул иқтидори маъдании Тоҷикистон муаррифӣ гардид
«КАРТОТЕКА». Вазорати нақлиёти Тоҷикистон ба низоми нави рақамии баҳисобгирии маблағу воситаҳо мегузарад
Дар шаш моҳ беш аз 930 ҳазор сайёҳи дохилию хориҷӣ мавзеъҳои сайёҳии Хатлонро тамошо намуданд
НИШАСТИ МАТБУОТӢ. Дар ноҳияи Лахш дар 8061 гектар зироати кишоварзӣ кишт карда шуд
Дар Душанбе нахустин Форум ва намоишгоҳи байналмилалии саноати хӯрокворӣ—«Тоҷикистон-2026» доир мегардад
