Дар Душанбе ҷаласаи 28-уми Ассамблеяи генералии Ассотсиатсияи байниминтақавӣ оид ба стандартизатсия оғоз гардид

Июль 10, 2019 10:20

ДУШАНБЕ, 10.07.2019./АМИТ «Ховар»/. Имрӯз дар шаҳри Душанбе ҷаласаи 28-уми Ассамблеяи генералии Ассотсиатсияи байниминтақавӣ оид ба стандартизатсия  ба кори худ шурӯъ кард.

Ҷаласаро директори Агентии «Тоҷикстандарт» Қудрат Давлатзода ифтитоҳ намуд.

Сипас аз номи Ҳукумати Ҷумҳурии Тоҷикистон муовини Сарвазири Ҷумҳурии Тоҷикистон Азим Иброҳим меҳмонон ва иштирокчиёни ҷаласаро хайрамақдам гуфта, фаъолияти босамари Ассотсиатсияи байниминтақавӣ оид ба стандартизатсия ва саҳми онро дар рушди иқтисодии кишварҳои аъзои он нек арзёбӣ кард.

 «Умедворам, ки ҳамгироиву ҳамкории васеи мо ба таъмин намудани рушди иқтисодиву иҷтимоӣ ва дар ин замина, ба пешрафти минбаъдаи кишварҳоямон ҳамаҷониба мусоидат хоҳад кард.  Масъалаҳое, ки дар ҷаласаи навбатӣ оид ба стандартизатсия, метрология, сертификатсия ва аккредитатсия баррасӣ карда мешаванд, боз як саҳифаи наверо дар тавсеаи фаъолияти мо мекушоянд ва барои рушди системаи амалкунанда дар соҳа мусоидат хоҳанд намуд»,- изҳор намуд Азим Иброҳим.

Ҳамзамон Сафири Фавкулода ва Мухтори Ҷумҳурии Туркия дар Тоҷикистон Алӣ Рифат Кёксал, президенти Институти стандартизатсияи Туркия, Раиси Ассотсиатсияи байниминтақавӣ оид ба стандартизатсия, профессор Адем Шаҳин сухан карда,  доир ба раванди ҳамкории судманд ибрози андеша карданд.

Баъд аз қисмати ифтитоҳӣ ҷаласаи 28-уми Ассамблеяи генералӣ тибқи нақша оид ба баррасии масъалаҳои дар рӯзнома муқарраршуда ба кори худ оғоз кард.

Мавриди зикр аст, ки Тоҷикистон имрўз дар  баробари  узвият дар якчанд ташкилотҳои  ҷаҳонӣ, инчунин аъзои Ассотсиатсияи байниминтақавӣ оид ба стандартизатсия (МАС) аст. Узвият дар чунин ташкилоти бонуфузи байналмилалӣ барои таҳкиму рушди минбаъдаи ҷумҳурӣ заминаҳои мусоид фароҳам меорад.

Ассотсиатсияи байниминтақавӣ оид ба стандартизатсия (МАС) бо дарназардошти афзалиятҳои минтақа ба ташаккули низоми шарикии байни кишварҳо ва рушди стратегияи иқтисодии он нигаронида шудааст.

Ёдовар мешавем, ки Ассотсиатсияи байниминтақавӣ оид ба стандартизатсия соли 1991 дар Ҷумҳурии Туркия таъсис дода шуда, айни замон  ба ҳайати он 18 давлат- Тоҷикистон, Россия, Албания, Озарбойҷон, Гурҷистон,  Қазоқистон, Қирғизистон, Муғулистон, Молдова, Ӯзбекистон, Туркия, Туркманистон ва ғайраҳо шомиланд.

Тибқи таҳлилҳо, ҳамкорие, ки якчанд сол инҷониб дар доираи узвият ба Ассотсиатсияи байниминтақавӣ идома доранд, барои бозомӯзии мутахассисони касбӣ, бартараф намудани монеаҳои техникӣ дар савдои байналмилалӣ, рушди соҳаи стандартонӣ ва дар ин замина ҳамоҳангсозии стандартҳои байнидавлатӣ ба стандартҳои байналмилалӣ ва зиёд намудани ҳаҷми маҳсулоти содиротии рақобатпазир дар Ҷумҳурии Тоҷикистон замина гузоштаанд.

Ҳамоҳангсозии стандартҳои миллӣ ба стандартҳои байналмилалӣ, таҳия ва амалӣ намудани дастурҳои техникии  мувофиқашуда  аз рӯи принсипҳои Созмони Умумиҷаҳонии Савдо, ки имрӯз Тоҷикистон узви он низ мебошад, барои бартараф намудани монеаҳо ва маҳдудият дар муомилоти озоди мол, кор ва хизматрасонӣ мусоидат менамояд.

Июль 10, 2019 10:20

Хабарҳои дигари ин бахш

Дар Душанбе масъалаи омодагӣ ба ҷаласаҳои солонаи Бонки исломии рушд баррасӣ гардид
Озмуни «Ташкилоти қарзии молиявии беҳтарин оид ба хизматрасонии занони соҳибкор» ҷамъбаст шуд
Тоҷикистон ва Ҷопон ҳамкориро дар соҳаи энергетика ва захираҳои об тақвият медиҳанд
Масъалаҳои марбут ба тақвияти ҳамкорӣ дар самти ҷалби маблағҳои имтиёзноки иқлимӣ баррасӣ гардиданд
«ТАМҒАИ ПИСАНДИДАИ ТОҶИКИСТОН-2025». Дар ин намоишгоҳ маҳсулоти 32 ширкату корхонаи ватанӣ муаррифӣ карда мешавад
Масъалаҳои рушди ҳамкории стратегии Тоҷикистон бо Бонки аврупоии таҷдид ва рушд баррасӣ гардиданд
Далер Ҷумъа ва Алӣ Муҳаммад Хан раванди татбиқи тарҳи «CASA- 1000»-ро баррасӣ намуданд
Масъалаҳои ҷалби сармоягузорӣ барои татбиқи лоиҳаҳои давлатӣ дар Кувайт баррасӣ шуданд
Муовини Сарвазири Тоҷикистон бо Вазири девони амирии Давлати Кувайт мулоқот намуд
Дар ноҳияҳои вилояти Хатлон ҷамъоварии маҳсулоти полезӣ оғоз гардид
Дар Душанбе ҷаласаи XI Шуро оид ба сиёсати саноатии кишварҳои иштирокдори ИДМ баргузор мегардад
Ҳайати Тоҷикистон дар конфронси минтақавии иқлимӣ дар Ашқобод иштирок намуд