Дар нишасти матбуотии Ваколатдор оид ба ҳуқуқи инсон саволу ҷавоб атрофи ҳуқуқу озодиҳои инсон ва кӯдак сурат гирифт

Июль 18, 2019 15:35

ДУШАНБЕ, 18.07.2019 /АМИТ «Ховар»/. Имрӯз Ваколатдор оид ба ҳуқуқи инсон ва  Ваколадор оид ба ҳуқуқи кӯдак дар Ҷумҳурии Тоҷикистон дар Маркази матбуоти ҷумҳуриявии АМИТ «Ховар» бо иштироки намояндагони ВАО тибқи нақшаи тасдиқшуда нишасти матбуотӣ доир намуданд.

Зимни нишаст Ваколатдор оид ба ҳуқуқи инсон Умед Бобозода зикр намуд, ки дар шашмоҳаи якуми соли 2019 дар мақомоти Ваколатдор оид ба ҳуқуқи инсон 1875 муроҷиат ба қайд гирифта шудаанд, ки аз онҳо 341 муроҷиати хаттӣ ва 1534 адад шифоҳӣ мебошанд. Дар дастгоҳи марказии Ваколатдор оид ба ҳуқуқи инсон 332 адад муроҷиатҳои шахсони воқеӣ ва ҳуқуқӣ ба қайд гирифта шудаанд, ки аз онҳо 147 ададаш хаттӣ ва 185 ададаш  муроҷиатҳои шифоҳӣ мебошанд.

Ваколатдор оид ба ҳуқуқи кӯдак дар Ҷумҳурии Тоҷикистон Раҷабмо Ҳабибулозода таъкид намуд, ки «яке аз вазифаҳои асосии  мақомот- ин ҳифзи ҳуқуқҳои кӯдак ба ҳисоб меравад. Дар ин давра 73 адад муроҷиати шахсони воқеӣ ва ҳуқуқӣ ворид шуда, мавриди баррасӣ қарор дода шуданд. Мо тавонистем дар ҳамкорӣ бо дигар мақомоти давлатӣ ва сохторҳои ҷомеаи шаҳрвандӣ 8 адад муроҷиатро ба таври мусбат ҳал намоем».

Бино ба гуфти Раҷабмо Ҳабибулозода, ин муроҷиатҳо бештар ба масъалаҳои иқтисодӣ ва иҷтимоӣ дахл дошта, вобаста ба сатҳи кофии зиндагӣ, зери ғамхории волидайн тарбия ёфтани кӯдакон, гирифтани шаҳодатномаи таваллуд ва бартараф намудани монеаҳо дар муоширати кӯдакон бо волидайн буданд, ки аксари онҳо ҳалли мусбати худро пайдо намуданд.

Дар идома аз ҷониби рӯзноманигорон вобаста ба дигар паҳлуҳои фаъолияти ин ниҳод саволу ҷавоб сурат гирифт.

Июль 18, 2019 15:35

Хабарҳои дигари ин бахш

«БАЧА АЗИЗ, ОДОБАШ АЗ ОН АЗИЗТАР…». Ба таълиму тарбияи фарзандон набояд бетарафӣ зоҳир намуд
Маркази тадқиқоти стратегии Тоҷикистон ва Институти байналмилалии Осиёи Марказӣ масоили ҳамкории илмию таҳлилиро баррасӣ намуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
ЗАБОН ДОНӢ-ҶАҲОН ДОНӢ. Аз 1 апрел кормандони мақомоти давлатӣ, худидоракунии маҳаллӣ ва ташкилотҳои давлатӣ ба омӯзиши ҳатмии забонҳои хориҷӣ фаро гирифта мешаванд
Дар ноҳияи Айнӣ сеюмин ҳамоиши гирандагони стипендияи президентӣ баргузор шуд
НАВРӮЗИ ХУҶАСТАПАЙ МУЖДАИ НЕКИ БАҲОРИ ХУРРАМ. Дар Суғд Ҷашни байналмилалии Наврӯз бо шукуҳи хоса таҷлил шуд
Тоҷикистон терроризму ифротгароиро қотеона маҳкум менамояд
24 МАРТ — РӮЗИ ҶАҲОНИИ МУБОРИЗА БО БЕМОРИИ СИЛ. Ҳадаф аз он огоҳӣ, пешгирӣ ва мубориза бар зидди ин беморӣ мебошад
ИМРӮЗ ДАР ТОҶИКИСТОН — РӮЗИ ГУЛ ВА НИҲОЛШИНОНӢ. Соли 2023 дар ҷумҳурӣ беш аз 1 миллион бех ниҳоли дарахтони гуногун шинонида шуд
МАСЛИҲАТИ МУТАХАССИС. Истеъмоли гулкарам масунияти инсонро боло мебардорад
МАСЛИҲАТИ МУТАХАССИС. Истеъмоли ғизои солим беҳтарин роҳи ҳифзи солимии шахс мебошад
Кормандони Вазорати меҳнат, муҳоҷират ва шуғли аҳолӣ ҷашни Наврӯзро бо тантана таҷлил намуданд