ФОРУМИ БАЙНАЛМИЛАЛИИ «ПОМИРИНВЕСТ-2019». Соҳибкорони ватанию хориҷӣ дар Бадахшон ҷамъ меоянд
ДУШАНБЕ, 29.07.2019/АМИТ «Ховар»/. Имкониятҳои сармоягузории Бадахшон дар Форуми байналмилалии сармоягузории «Помиринвест-2019», ки 6-7 августи соли равон дар маркази маъмурии Вилояти Мухтори Кӯҳистони Бадахшон- шаҳри Хоруғ доир мегардад, муаррифӣ мешаванд.
Кумитаи давлатии сармоягузорӣ ва идораи амволи давлатии Ҷумҳурии Тоҷикистон ва Мақомоти иҷроияи ҳокимияти давлатии Вилояти Мухтори Кӯҳистони Бадахшон аз созмондиҳандагони ҳамоиши байналмилалии «Помиринвест-2019» мебошанд. Ҳамоиши байналмилалӣ дар се бахш- роҳҳо ва усулҳои такмили сиёсати давлатӣ дар самти сармоягузориву соҳибкориии Бадахшон, имкониятҳои рушди соҳибкорӣ дар бахши сайёҳӣ ва ҷалби сармоя ба инфрасохтори сайёҳӣ, минтақаҳои озоди иқтисодӣ -ҳамчун омили суръатбахши саноатикунонии Тоҷикистон баргузор мегардад. Интизор меравад, ки дар ҳамоиши байналмилалӣ ҳудуди 200 нафар соҳибкорони ватанию хориҷӣ, намояндагони вазорату идораҳои мамлакат ва шарикони рушд иштирок намуда, масъалаҳои марбут ба ҷалби сармоя барои рушд ва пешрафти Бадахшонро баррасӣ намоянд.
Дар назар аст, ки иштирокдорони ҳамоиш мавзӯъҳои саноатикунонии босуръати иқтисодиёти Бадахшон ҳамчун ҳадафи чоруми миллӣ, монеаҳои рушди соҳибкорию сармоягузорӣ ва роҳҳои ҳалли онҳо, имкониятҳои сайёҳии Бадахшон барои ҷалби бештари сайёҳони дохилию хориҷӣ, дастгирии соҳаи сайёҳӣ аз ҷониби шарикони рушд ва монеаҳои рушди минтақаи озоди иқтисодӣ ва роҳҳои ҳалли онҳоро баррасӣ намоянд. Доираҳои соҳибкорони ватанию хориҷӣ зимни мулоқоти B2B маҷмӯи масъалаҳои тақвияти ҳамкориро дар самти ҷалби сармоя барои иқтисоди Бадахшон матраҳ намуда, санадҳои ҳамкорӣ ба имзо мерасонанд.
Инчунин дар доираи ҳамоиши байналмилалии «Помиринвест-2019» мавзеъҳои таърихию фарҳангии Бадахшон, имкониятҳои сармоягузорӣ ва сайёҳии Боми ҷаҳон муаррифӣ мегарданд.
Интизор меравад, ки иштирокдорони Форуми байналмилалии «Помиринвест-2019» аз аз корхонаҳои истеҳсолӣ, мавзеъҳои таърихию фарҳангии Бадахшон, назири фаъолияти ташкилоту корхонаҳои «Соҳибкорӣ ва рушд», «Зиндагӣ», «Зирки кӯҳистон», Ассотсиатсияи экофарҳангии «Помир», Осорхонаи Носири Хусрав, Гармчашма ва Донишгоҳи Осиёи Марказӣ боздид намоянд.
Бонки ҷаҳонӣ татбиқи Барномаи «Дастгирии сиёсати рушди устувор — Тоҷикистони рақобатпазир ва фарогир»-ро тасдиқ намуд
Агентии назорати давлатии молиявӣ ва мубориза бо коррупсия ба маблағи беш аз 624 миллион сомонӣ зарари молиявӣ ошкор намуд
Даромади буҷети Вилояти Мухтори Кӯҳистони Бадахшон 105,1 фоиз иҷро гардидааст
ҲИСОББАРОБАРКУНИИ ҒАЙРИНАҚДӢ. 3,5 миллион амалиёти пардохти андоз ва боҷҳо ба таври ғайринақдӣ анҷом дода шуд
Дар Душанбе тавсеаи ҳамкории Тоҷикистон бо JICA баррасӣ гардид
Зернизоми идораи эътимод бо истифода аз модули иловагии «Data mining» мавриди истифода қарор гирифт
Султон Раҳимзода ҷониби Қазоқистонро барои иштирок дар Форуми байналмилалии сармоягузории «Душанбе-Инвест 2025» даъват намуд
Хадамоти гумруки Тоҷикистон: дар содироти молҳои ватанӣ вазни қиёсии асосиро сурма ва маҳсулоти он дар ҳаҷми 30,4 фоиз ташкил медиҳад
Ҳаҷми Маҷмуи маҳсулоти дохилии ноҳияи Ёвон ба беш аз 1,5 миллиард сомонӣ расид
Дар Остона ҷаласаи 19-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ доир шуд
НИШАСТИ МАТБУОТӢ. Нақшаи воридоти андозҳо ва дигар пардохтҳои ҳатмӣ ба андозаи 113,7 фоиз иҷро гардид
НИШАСТИ МАТБУОТӢ. Ҳаҷми умумии даромади буҷети давлатӣ 111,5 фоиз иҷро гардид
