Муассисаҳои роҳсозии Бадахшон соҳиби 30 техникаву таҷҳизоти роҳсозӣ гардиданд

Июль 12, 2019 09:20

ХОРУҒ, 12.07.2019 /АМИТ «Ховар»/. Бо дастури Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  марҳилаи дуюми воридкунии техникаи нигахдории роҳҳои мошингард ба  Вилояти Мухтори Кӯҳистони Бадахшон ва минтақаи Рашт дар доираи лоиҳаи   «Нигохдорӣ ва рушди роҳҳо», ки дар заминаи  имзои созишномаи  грантиву қарзии  Бонки аврупоии таҷдид ва рушд таҳия гардидааст, оғоз ёфт.

Дар назди майдони ба номи Исмоили Сомонӣ корвони техникаву таҷҳизоти роҳсозиро намояндагони мақомоти иҷроияи ҳокимияти давлатии вилоят, сокинони шаҳр истиқбол гирифтанд. Муовини аввали раиси вилоят Анвар Имматшозода ба Ҳукумати ҷумҳурӣ барои чунин кумаки судманд ва саривақтӣ изҳори сипос намуда, арз дошт, ки «назар ба дигар манотиқи кишвар дар Кӯҳистони Бадахшон  фасли сармо зудтар фаро мерасад. Ҳатто солҳое ба мушоҳида расиданд, ки аввали моҳи сентябр дар баъзе ағбаҳои кӯҳӣ барф борида, роҳро маҳкам мекард. Ба касе пӯшида нест, ки дар замони шӯравӣ роҳи Хоруғ-Душанбе ба муддати 6-7 моҳ баста буд. Дар замони истиқлолият ҳамеша роҳҳои мошингард боз ҳастанд. Танҳо роҳи баъзе аз деҳоти дурдасти водии Бартанги ноҳияи Рӯшон ва ноҳияи Ишкошим бар асари боришоти шадид дар муддати каме бештар аз як ҳафта масдуд мегарданд».

Умед аст, ки бо ворид гардидани ин техникаҳои пуриқтидори роҳсозӣ ҳамаи монеаҳо аз роҳҳо бардошта шуда, рафтуомади сокинони мамлакат бидуни мушкилӣ сурат мегирад.

Сардори Муассисаи давлатии идораи хоҷагии роҳҳои мошингарди вилоят Гулаёз Рамазонов гуфт, ки «30 адад техникаву таҷҳизот, ки маблағи он беш аз 2 миллион доллари амрикоиро ташкил медиҳад ва аз кишвари ҳамсояи Чин интиқол ёфтааст, байни муассисаҳои роҳсозии Вилояти Мухтори Кӯҳистони Бадахшон ва ноҳияи Рашт тақсим мешаванд. Бояд зикр дошт, ки Муассисаи давлатии нигоҳдории роҳҳои мошингарди вилоят аз замони таъсиси  худ ин миқдор таҷҳизоти техникиро дастрас накардааст. Мо кӯшиш мекунем, ки онро дар ҳолати хуби техникӣ нигоҳ дошта, ба басташавии роҳҳо дар фасли зимистон роҳ надиҳем».

Дар давраи истиқлолияти давлатӣ бо кумаку дастгирии Ҳукумати мамлакат  Вилояти Мухтори Кӯҳистони Бадахшон аз бунбасти коммуникатсионӣ комилан раҳо ёфта,  ба яке аз гузаргоҳҳои транзитии байналмилалӣ мубаддал гардидааст.

Ҳоло 1300 километр роҳҳои мошингарди вилоят аҳамияти байналмилалӣ доранд. Ин роҳҳо Тоҷикистонро тавассути гузаргоҳҳои сарҳадии Кулма, Қизил Арт бо Ҷумҳурии Мардумии Чину Ҷумҳурии Қирғистон ва 6 пули мошингузар бо Ҷумҳурии Исломии Афғонистон пайванд месозанд.

Июль 12, 2019 09:20

Хабарҳои дигари ин бахш

ОБУ ҲАВО. Имрӯз дар ноҳияҳои водигии Тоҷикистон борон меборад
ҚУРБИ АСЪОР: 1 доллари ИМА аз 10.2100 то 10.1000 сомонӣ муқаррар шудааст
ОМОДАГӢ БА ЗИМИСТОН. Дар соҳаи тандурустӣ дар Тоҷикистон нақшаи тайёрӣ ба қадри 99 фоиз ба анҷом расидааст
ОБУ ҲАВО. Имрӯз дар Тоҷикистон ҳавои тағйирёбандаи бебориш дар назар аст
Вақти гузаштан ба ҳисобкунакҳои барқии электронии зеҳнии муосир фаро расидааст
БАҲРУ УҚЁНУСҲО АЗ ЗАРФҲОИ ПЛАСТИКӢ ПУР ГАШТААНД. Истифодаи нодурусти онҳо сабаби гирифторӣ ба бемориҳои онкологӣ мегардад
ОБУ ҲАВО. Имрӯз дар шаҳри Душанбе ҳаво рӯзона 20 дараҷа гарм мешавад
Дар Академияи идоракунии давлатӣ конференсияи байналмилалӣ доир гардид
ОБУ ҲАВО. Имрӯз дар Тоҷикистон ҳавои камабри бебориш дар назар аст
«Шаҳристон. Чаро дар «Швейтсарияи дуюм» сайёҳӣ рушд намекунад?»,- шарҳи матбуоти даврии Тоҷикистон
ОБУ ҲАВО. Имрӯз дар Тоҷикистон ҳаво рӯзона 18 дараҷа гарм мешавад
ПАРЧАМИ НАНГУ НОМИ МО! Дар вазорату идораҳои Тоҷикистон Рӯзи Парчами давлатӣ бошукӯҳ таҷлил гардид