НИШАСТИ МАТБУОТӢ: Академияи илмҳои Тоҷикистон бо муассисаҳои илмиву тадқиқотии хориҷи мамлакат ҳамкории судманд ба роҳ мондааст

Июль 29, 2019 11:45

ДУШАНБЕ, 29.07.2019. /АМИТ «Ховар»/. Академияи илмҳои Ҷумҳурии Тоҷикистон бо академия  ва муассисаҳои илмиву тадқиқотии хориҷи мамлакат ҳамкории судманд ба роҳ мондааст. Ин нукта имрӯз, 29 июл зимни нишасти матбуотии ин ниҳод, ки дар маркази матбуоти АМИТ «Ховар» доир шуд, баён гардид.

Зикр шуд, ки ин ҳамкорӣ ба хотири таҳким бахшидани таҷриба ва анҷом додани корҳои илмиву тадқиқотии муштараки олимони тоҷик бо ҳамтоёни хориҷияшон ба роҳ монда шудаанд.

«Созишнома оид ба ҳамкории илмӣ байни Академияи илмҳои Тоҷикистон ва Академияи илмҳои Россия, Созишнома байни Академияи илмҳои Тоҷикистон ва Академияи илмҳои ҷамъиятшиносии Ҷумҳурии Мардумии Чин оид ба ҳамкории илмӣ, Ёддошти тафоҳум байни Шӯрои тадқиқотии илмҳои ҷомеашиносии Ҳиндустон ва Академияи илмҳои Тоҷикистон аз зумраи ҳуҷҷатҳое мебошанд, ки дар шашмоҳаи аввали соли равон ба имзо расида, дар самти робитаҳои дуҷонибаи илмии хориҷии  мо заминаи нав гузоштанд», — афзуд президенти Академияи илмҳои Тоҷикистон Фарҳод Раҳимӣ.

Ба гуфтаи мавсуф, дар ин давра қариб 100 нафар кормандони Академияи илмҳои Тоҷикистон барои коромӯзӣ,  иштирок дар конфронсҳои илмӣ, симпозиумҳо, семинарҳо ва гузаронидани тадқиқоти муштараки илмӣ ба бештар аз 110 мамлакати олам сафар намуданд.

Бояд зикр намуд, ки 15 июни соли равон зимни сафари давлатии Президенти Ҷумҳурии Мардумии Чин ба Ҷумҳурии Тоҷикистон дар шаҳри Душанбе Созишнома байни Академияи илмҳои Тоҷикистон ва Академияи илмҳои ҷамъиятшиносии Ҷумҳурии Мардумии Чин оид ба ҳамкорӣ ба имзо расид, ки он барои ҳамкории минбаъдаи ин ду ниҳоди илмӣ заминаи ҳуқуқӣ гузошт.

Гуфтанист, ки охири моҳи апрели соли равон дар Академияи илмҳои ҷамъиятшиносии Чин мулоқоти Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо кормандони он  баргузор гардид ва дар ин вохӯрӣ дар ҳузури Сарвари давлат муаррифии китоби арзишманди таърихии «Тоҷикон дар оинаи таърих» доир шуд.

Зимни суханронии худ Президенти мамлакат муҳтарам Эмомалӣ Раҳмон саҳми Академияи илмҳои ҷамъиятшиносии Чинро дар ҳаёти илмиву ҷамъиятии ин кишвар ва берун аз он ҳамчун яке аз марказҳои калидии таҳқиқотӣ муҳим арзёбӣ намуданд.

Аз эътимоду баҳодиҳии дурандешонаи Пешвои миллат муҳтарам Эмомалӣ Раҳмон метавон ба хулосае омад, ки муносибатҳои дуҷонибаи Академияи илмҳои Тоҷикистон бо Академияи илмҳои ҷамъиятшиносии Чин имконият медиҳад, ки ба рушди илми тоҷик ва бо сифати баланд анҷом додани корҳои илмиву тадқиқотии муштарак такони ҷиддӣ бахшида шавад.

 

Июль 29, 2019 11:45

Хабарҳои дигари ин бахш

Кормандони мақомоти милитсияи шаҳри Душанбе ба тамошои Осорхонаи миллии Тоҷикистон рафтанд
Бахшида ба Рӯзи байналмилалии ҳифзи ёдгориҳои таърихию фарҳангӣ конференсияи илмӣ-назариявӣ доир мешавад
Дар Москва ба муносибати 25-солагии таъсиси Ташкилоти заминавии кор бо забонҳо ва фарҳангҳои кишварҳои ИДМ чорабинӣ баргузор гардид
Дар шаҳри Гулистон Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз ёфт
Дар вилояти Хатлон Фестивали ҷумҳуриявии «Ҳафтаи китоби кӯдакону наврасон» оғоз гардид
Имрӯз дар Тоҷикистон Рӯзи байналмилалии китоб таҷлил мегардад
Дар Душанбе Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз мегардад
Масъалаи баргузории Рӯзҳои фарҳанги Ҷумҳурии Тоҷикистон дар Ҷумҳурии Қирғизистон баррасӣ шуд
Аъҷубасозӣ як бахши ҳунари кулолӣ ва сохтани бозичаҳо аз гилу сафол мебошад
Дар вилояти Суғд бо иштироки меҳмонон аз Узбекистон ва Қирғизистон ҳамоиши фарҳангӣ баргузор гардид
МУЖДАИ НАВРӮЗӢ. «Ёддоштҳо»-и устод Айнӣ барои ҳамзабонони эронӣ ба нашр расид
Бахшида ба Соли фарҳанги китобхонӣ дар вилояти Хатлон китоби «Наврӯзномаи Хатлон» ба табъ расид