«Сомон Эйр» ба узвияти MITA Cargo пазируфта шуд

Июль 13, 2019 10:22

ДУШАНБЕ, 13.07.2019/АМИТ «Ховар»/. Ширкати ҳавопаймоии «Сомон Эйр» расман ба интерлайн-созишномаи бисёрҷонибаи MITA (Multilateral Interline Traffic Agreements) оид ба ҳамлу нақли борҳо, ки дар асоси дастуру қоидаҳои Ассотсиатсияи байналмилалии нақлиёти ҳавоӣ (IATA) амал мекунад, шомил гардид.  Дар ин хусус ба АМИТ «Ховар» аз хадамоти матбуоти ширкати ҳавопаймоии «Сомон Эйр» иттилоъ доданд.

Гуфта мешавад, ки узвият дар MITA Cargo ба ширкати ҳавопаймоии «Сомон Эйр» имконият медиҳад, ки дар фаъолияти минбаъда доираи равобити бисёрҷонибаро бо ширкатҳои бузурги ҳавопаймоӣ дар бахши ҳамлу нақли борҳо афзоиш диҳад. Шомил шудан ба MITA Cargo барои ширкати ҳавопаймоии «Сомон Эйр» дастоварди бузург маҳсуб ёфта, ба рушди интиқоли борҳо заминаи мусоид фароҳам меорад. Инчунин  узвияти ширкати «Сомон Эйр» ба созмони MITA Cargo ба ширкати ҳавопаймои Тоҷикистон имкон медиҳад, ки дар бозори байналмилалии интиқоли борҳо бо дигар ширкатҳои ҳавопаймоии бонуфузи хориҷӣ шарики баробарҳуқуқ бошад. Дар баробари ин, узвият дар MITA Cargo барои ирсолкунандагони борҳо тартиботи ба расмият даровардани борро аз нуқтаи ибтидоӣ то нуқтаи ниҳоӣ хеле содда мекунад. Бинобар набудани зарурати барасмиятдарории бор дар манотиқи транзитӣ хароҷоти вобаста ба интиқоли бор арзон мегардад. Ҳамин тавр, баъди шомил шудан ба MITA Cargo борҳо аз рӯйи самт аз фурудгоҳи ибтидоии парвоз то фурудгоҳи таъинотӣ тавассути як борхат интиқол меёбанд», — зикр намуд Томас В. Ҳаллам, Директори генералии ҶДММ «Ширкати ҳавопаймоии Сомон Эйр».

Ширкати ҳавопаймои «Сомон Эйр» аз соли 2017 аъзои IATA буда, парвозҳоро аз Тоҷикистон ба давлатҳои Олмон, Амороти Муттаҳидаи Араб, Туркия, Чин, Россия, Қазоқистон ва Ӯзбекистон муваффақона иҷро мекунад. Парки ширкати «Сомон Эйр» аз ҳавопаймоҳои муосири Боинг 737-300, 737-800 ва 737-900 иборат мебошад.

 

Июль 13, 2019 10:22

Хабарҳои дигари ин бахш

Бонки аврупоии таҷдид ва рушд дар Хатлон пойгоҳҳои обкаширо навсозӣ менамояд
Масъалаҳои рушди ҳамкории иқтисодию тиҷоратӣ байни Тоҷикистон ва Покистон баррасӣ шуданд
Дар Душанбе ҷаласаи сатҳи байналмилалӣ оид ба омори меҳнат оғоз гардид
«САНОАТИКУНОНӢ ДАР МАСИРИ РУШД». Таҳти чунин унвон дар Суғд конфронси илмӣ-амалии ҷумҳуриявӣ баргузор шуд
«БАРҚИКУНОНИИ ДЕҲОТИ ТОҶИКИСТОН». Дар марҳилаи аввали татбиқи лоиҳа сокинони 26 маҳаллаи Бадахшон ба неруи барқ дастрасӣ пайдо намуданд
Дар Тоҷикистон ҷаласаи 42-юми Ситоди тафтишоти муштарак оид ба вайронкунии қонунгузории зиддиинҳисорӣ доир мешавад
«РОҲ БА СӮИ ТИЁН-ШОН». Муҳимтарин масъалаҳои марбут ба роҳу нақлиёт дар конфронси байналмилалӣ баррасӣ шуданд
Тоҷикистон ва Туркия ҳамкориро дар соҳаҳои энергияи «сабз» ва саноати кӯҳӣ тақвият медиҳанд
Ҳайатҳои Тоҷикистон ва Туркия дар ҳошияи ҷаласаи Комиссияи байниҳукуматӣ масъалаҳои мубрами ҳамкориро баррасӣ намуданд
Дар Анқара ҷаласаи 12-уми Комиссияи байниҳукуматии Тоҷикистон ва Туркия оид ба ҳамкории иқтисодӣ доир гардид
Вазири рушди иқтисод ва савдои Тоҷикистон бо Раиси Шурои мунисипалии шаҳри Чэндуи Чин мулоқот намуд
Дар вилояти Хатлон масъалаи содироти маҳсулоти кишоварзӣ ба хориҷи мамлакат баррасӣ шуд