ДАР АРЗҲОИ ДӮСТӢ. Роҳпаймоии автомобилӣ дар Шоҳроҳи бузурги Абрешим-аз Тирмиз то Душанбеву Хоруғ ва Қошғар

Август 15, 2019 14:35

ХОРУҒ, 15.08.2019 /АМИТ «Ховар»/. Иштирокдорони роҳпаймоии автомобилие, ки аз шаҳри Тирмизи Ҷумҳурии Ӯзбекистон оғоз ёфта, тавассути шаҳрҳои Душанбею Хоруғ то ба вилояти Қошғари Чин мерасад,  ба шаҳри Хоруғ расиданд. Дар дарвозаи шаҳри Хоруғ меҳмононро масъулини мақомоти иҷроияи ҳокимияти давлатии шаҳр ва намояндагони қишрҳои мухталифи ҷомеа истиқбол гирифтанд. Корвони мошинҳо 12 август ба роҳ баромада, баъди се рӯз ба маркази Вилояти Мухтори Кӯҳистони Бадахшон-шаҳри Хоруғ расид.

Сардори Раёсати робитаҳои байналмилалии Вазорати нақлиёти Ҷумҳурии Тоҷикистон Сайфулло Қодирӣ гуфт, ки «ҷумҳурии мо аз солҳои аввали Истиқлолияти давлатӣ дарҳои худро ба рӯи ҳамаи  давлатҳои ҷаҳон боз кард. Даркушоӣ як хислати хуби ниёгони мо буд, зеро аз дарбандӣ то ҳанӯз касе манфиат набардоштааст. Яке аз ҳадафҳои дурнамои давлати мо, ки Пешвои миллат дар оғози истиқлолияти давлатӣ эълом дошта буданд, ин аз бунбасти коммуникатсионӣ берун овардани  Тоҷикистон буд ва сарфи назар аз мушкилоти иқтисодӣ ин ҳадаф ба тадриҷ амалӣ гардид. Ҳоло ҳар касе ё давлате агар бо нияти неку ҳамкории судманди тарафайн  озими кишвари мо шавад, чаҳор дарвозаи Тоҷикистон ба рӯяшон боз аст».

Сардори Раёсати Вазорати нақлиёти Ҷумҳурии Ӯзбекистон Аброр Исоев гуфт, ки «ин роҳи автомобилие, ки мо ҳаракат мекунем, як қисми Шоҳроҳи бузурги Абрешим ба шумор меравад. Ин роҳ на танҳо ба беҳбуди ҳаёти иқтисодию иҷтимоии мардуми Шарқ таъсири амиқ гузошт, балки бо ҳамин роҳ сокинони кишварҳои Аврупо низ аз дастовардҳои улуми тиб, меъморӣ, адабиёт ва фалсафа васеъ баҳра бурдаанд. Мо шодем, ки дар бозкушоии ин роҳи бузург ду давлати ҳамсоя- Тоҷикистону Ӯзбекистон саҳми арзишманд мегузоранд».

Баъди танаффуси кӯтоҳ корвони мошинҳо ҳаракати худро ба самти ноҳияи Мурғоб идома доданд. Пас аз он гузаргоҳи Кулмаро убур карда, вориди хоки Чин мегарданд.

Масире, ки ин корвони мошинҳо  давоми як ҳафта тай мекунанд, 1600 километрро дар бар мегирад.

 

 

Август 15, 2019 14:35

Хабарҳои дигари ин бахш

Намояндагони Бруней Доруссалом ба Конфронси дуюми байналмилалии Душанбе даъват шуданд
Нигоҳ аз Душанбе: Тоҷикистон ва Узбекистон наметавонанд аз ҳам ҷудо, бидуни дӯстиву ҳамкории мутақобила рушд кунанд
Сироҷиддин Муҳриддин дар вохӯрии панҷуми вазирони корҳои хориҷии кишварҳои Осиёи Марказӣ ва Русия иштирок намуд
Дар Боку намоишгоҳи аксҳо таҳти унвони «Тоҷикистон — кишвари қуллаҳои осмонбус ва дарёҳои тиллоӣ» ифтитоҳ ёфт
Тоҷикистон ва Ҷопон татбиқи лоиҳаҳои муштаракро дар соҳаҳои гуногун баррасӣ намуданд
Ҳайати Тоҷикистон дар машваратҳои сиёсии давлатҳои узви СҲШ дар Москва иштирок намуд
Пагоҳ мулоқоти вазирони корҳои хориҷии Русия ва панҷ кишвари Осиёи Марказӣ дар шакли видеоӣ доир мешавад
Дар Москва намоиши аксҳо бахшида ба 30-солагии барқарории муносиботи дипломатӣ миёни Русия ва дигар давлатҳои ИДМ ифтитоҳ ёфт
Шараф Шерализода бо муовини парлумонии Вазири корҳои хориҷии Япония мулоқот намуд
Тоҷикистон ва Япония баргузории ҳамоишҳои соҳибкорон ва амалисозии лоиҳаҳои сармоягузориро баррасӣ карданд
«АЗ ДУШАНБЕ ТО СЕУЛ». Ба шарафи 30-солагии барқарории муносибатҳои дипломатӣ миёни Тоҷикистон ва Корея ҳамоиши фарҳангӣ доир мегардад
Форумҳои сармоягузорию тиҷоратии Тоҷикистон ва Туркия давоми соли равон баргузор карда мешаванд