Дар Теҳрон ҳамкории Тоҷикистону Эрон дар соҳаҳои барқу об, ҳамлу нақл ва роҳсозӣ мавриди баррасӣ қарор гирифт
ДУШАНБЕ, 09.08.2019 /АМИТ «Ховар»/. Дар шаҳри Теҳрон Сафири Ҷумҳури Тоҷикистон дар Ҷумҳурии Исломии Эрон Низомиддин Зоҳидӣ бо Вазири неруи Эрон ва раиси Комиссияи муштараки ҳамкории тиҷоратӣ, иқтисодӣ, техникӣ ва фарҳангии Тоҷикистону Эрон Ризо Ардакониён мулоқот намуд. Дар ин бора АМИТ «Ховар» бо истинод ба Вазорати корҳои хориҷии Тоҷикистон хабар медиҳад.
Зимни вохӯрӣ ҷонибҳо вазъи кунунӣ ва дурнамои ҳамкории Тоҷикистону Эронро дар соҳаи барқ ва об мавриди баррасӣ қарор дода, зарурати ҳамкории ҷонибҳоро дар анҷоми корҳои боқимонда дар нақби «Истиқлол» зикр намуданд.
Ҷонибҳо ҳамчунин оид ба омодагӣ ба баргузории ҷаласаи 13-уми қарибулвуқӯи Комиссияи муштараки ҳамкории иқтисодиву тиҷоратӣ ва техникиву фарҳангӣ байни Тоҷикистону Эрон табодули назар намуда, аҳаммияти ҷаласаи мазкурро дар таҳкими ҳамкории мутақобилан судманд таъкид карданд.
Ҳамчунин 6 август дар Теҳрон Низомиддин Зоҳидӣ бо Вазири роҳу шаҳрсозии Эрон Муҳаммад Исломӣ мулоқот намуд.
Дар вохӯрӣ ҳамкории Тоҷикистону Эрон дар соҳаҳои ҳамлу нақл ва роҳсозӣ мавриди баррасӣ қарор гирифта, нақши татбиқи лоиҳаҳои мушаххас ҷиҳати пайвастани ду кишвар аз тариқи роҳҳои ҳавоӣ ва заминӣ муҳим арзёбӣ гардид.
Дар ин росто ҷонибҳо роҳандозии парвозҳо дар хатсайри Машҳад-Душанбе-Машҳадро омили мусбати рушди робитаҳои дуҷониба унвон карда, зарурати барқарории парвозҳоро миёни пойтахтҳои ду кишвар таъкид карданд.
Ҳамчунин доир ба истифодаи имкониятҳои бандари Чобаҳор дар густариши содироту воридоти молу маҳсулот дар минтақа табодули назар сурат гирифт.
Исматулло Насредин ва Ҳамиш Фалконер оид ба масъалаҳои марбут ба таҳкими ҳамкории сиёсӣ ва амниятӣ табодули афкор намуданд
Низоми бераводид байни Тоҷикистон ва Италия барои дорандагони шиносномаҳои дипломатӣ мавриди амал қарор мегирад
Дар Давҳа масъалаи содироти меваю хушкмеваҳои Тоҷикистон ба Қатар баррасӣ гардид
Тоҷикистон ва Британияи Кабир татбиқи лоиҳаҳои муштаракро дар бахши маориф матраҳ намуданд
Тоҷикистон ва Туркманистон масъалаҳои мубрами ҳамкории дуҷонибаро баррасӣ намуданд
Муовини якуми Сарвазири Тоҷикистон дар ҷаласаи Шурои иқтисодии Иттиҳоди Давлатҳои Мустақил иштирок намуд
Ҳайати Тоҷикистон дар ҷаласаи Шурои машваратии роҳбарони мақомоти интихобот ва раъйпурсии кишварҳои иштирокдори ИДМ иштирок намуд
Тоҷикистон ва Малайзия танзими сафарҳои расмии сатҳи олиро баррасӣ намуданд
Покистон талошҳои Тоҷикистонро дар таҳкими сулҳу субот дар минтақа самарабахш арзёбӣ менамояд
Дар Ашқобод Истиқлоли давлатии Тоҷикистонро таҷлил намуданд
Сафири Тоҷикистон бо директори генералии Агентии танзимкунандаи фаъолияти хайриявии Қатар мулоқот намуд
Исматулло Насредин ва Дэн Ҷарвис масъалаҳои минтақавӣ ва ҳамкориро баррасӣ намуданд
