Имрӯз Анҷумани V маҳфили «Ҷавонони дар хориҷи кишвар таҳсилдошта» оғоз гардид
ДУШАНБЕ, 12.08.2019 /АМИТ «Ховар»/. Имрӯз, 12 август Анҷумани V маҳфили «Ҷавонони дар хориҷи кишвар таҳсилдошта» оғоз гардид. Дар Анҷумани мазкур беш аз 80 нафар намояндагони маҳфил- аъзои Шӯро ва ҷавонони фаъол иштирок доранд.
Тавре роҳбари маҳфили «Ҷавонони дар хориҷи кишвар таҳсилдошта» Каримҷон Салимзода ба АМИТ «Ховар» иттилоъ дод, иштирокчиёни Анҷуман зимни сафар ба вилояти Суғд аз ноҳияи Айнӣ, шаҳри Панҷакент, Истаравшан ва Гулистон дидан намуда, бо мавзеъҳои таърихии ин шаҳру ноҳияҳо аз наздик шинос мегарданд.
Ба зикри номбурда, дар ҷараёни Анҷумани V маҳфили «Ҷавонони дар хориҷи кишвар таҳсилдошта» баргузории тренинги омӯзишӣ дар бораи тартиби баргузории чорабинӣ ва таҳияи нақша-чорабиниҳои мухталиф дар хориҷи мамлакат, Конфронси ҷумҳуриявӣ дар мавзӯи «Нақши ҷавонон дар муарррифии имкониятҳои сайёҳиву таърихӣ дар хориҷи мамлакат: Саразм оинаи ҷаҳоннамои таърихи миллати тоҷик», семинари омӯзишӣ дар мавзӯи муқовимат ба савдои одамон ва роҳҳои пешгирии он бо усули муосир дар доираи ташкилотҳои байналмилалӣ бо истифодаи муносибатҳои байналмилалӣ, тренинги омӯзишӣ дар бораи таҳияи варақаи иттилоотӣ, роҳҳои васеъ инъикос намудани чорабиниҳо, кор бо шабакаҳои иҷтимоӣ, фарҳанги дуруст истифода намудани шабакаҳои иҷтимоӣ ва барномаи фарҳангӣ- фароғатии «Шоми ҷавонӣ» дар назар аст.
Ёдовар мешавем, ки маҳфили «Ҷавонони дар хориҷи кишвар таҳсилдошта» соли 2014 дар назди Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо мақсади дӯсту муттаҳидгардонии ҷавонони дар хориҷ таҳсилдошта ва баррасии мушкилоти онҳо таъсис ёфтааст.
То имрӯз намояндагии маҳфил дар 16 давлат фаъолияти худро ба роҳ монда, он дар ҳамкорӣ бо намояндагии дипломатии Ҷумҳурии Тоҷикистон дар хориҷи мамлакат дар баррасии мушкилоти илмомӯзии донишҷӯёни тоҷик ва дигар масъалаҳои ба ҳаёти онҳо марбут мусоидат менамояд. Ҳоло шумораи аъзои маҳфил ба зиёда аз 30 ҳазор нафар расида, бо мақсади натиҷагирии фаъолияти кори маҳфил ҳамасола дар ҷумҳурӣ Анҷумани маҳфили «Ҷавонони дар хориҷи кишвар таҳсилдошта» баргузор карда мешавад.
Кумаки башардӯстонаи Тоҷикистон ба мардуми аз обхезиҳои шадид зарадидаи Қазоқистон ба роҳ баромад
Намояндагони Тоҷикистон дар Форуми ташкилоти кор бо ҷавонони аъзои ИДМ дар шаҳри Тошканд иштирок намуданд
Кумитаи кор бо ҷавонон ва варзиши Тоҷикистон бо ташкилоти байналмилалии соҳавӣ ҳамкориро тақвият мебахшад
Имрӯз дар Душанбе бо иштироки меҳмонон аз Узбекистон Озмуни ҷумҳуриявии «Кадбонуи беҳтарин» ҷамъбаст гардид
Ҳайати намояндагӣ-занони роҳбари воҳидҳои сохтории Ҷумҳурии Узбекистон ба Тоҷикистон омад
МАРОТИБАИ АВВАЛ. Табибони тоҷик усули нави ҷарроҳӣ дар самти табобати сурхрӯда ва меъдаро амалӣ намуданд
Дар Тоҷикистон бар асари боронҳои сел талафоти ҷонӣ ва харобиҳо сабт нашудаанд
Дар шаҳри Кӯлоб омодагии мудофиаи ҳудудӣ ва захираҳои сафарбарӣ мавриди омӯзиш ва санҷиш қарор гирифт
ҲАҶ ФАРЗ АСТ Ё ХУДНАМОЙИИ ҲОҶИЁН? Агар зоирон нисфи хароҷоти исрофкоронаашонро барои бунёди пул, ҳаммом, кандани ҷӯй сарф менамуданд, аҷру савоби бештар мегирифтанд
Дар шаҳри Хуҷанд клиникаи муосири оилавии муосири 1+1 ифтитоҳ гардид
«ВАССОФИ ВАТАН». Фестивал-озмуни тарғибгари дастовардҳои миллӣ оғоз гардид
СОЛИ МАЪРИФАТИ ҲУҚУҚӢ. Андешаҳо оид ба моҳияти фалсафии он
