Неъматулло Ҳикматуллозода: «Дар шаш моҳи соли 2019 устувории нишондиҳандаҳои макроиқтисодии мамлакат таъмин гардид»
ДУШАНБЕ, 02.08.2019. /АМИТ «Ховар»/. Таҳлили вазъи нишондиҳандаҳои асосии рушди иҷтимоию иқтисодии ҷумҳурӣ дар нимсолаи якум нишон дод, ки дар ин давра дар ҳамаи соҳаҳои иқтисоди миллӣ тамоюли мусбати рушд нигоҳ дошта шуда, дар маҷмўъ устувории нишондиҳандаҳои макроиқтисодии мамлакат таъмин гардид. Дар ин бора имрӯз зимни нишасти матбуотӣ Вазири рушди иқтисод ва савдои Ҷумҳурии Тоҷикистон Неъматулло Ҳикматуллозода зикр кард.
«Дар давраи ҳисоботӣ Маҷмўи маҳсулоти дохилии (ММД) ҷумҳурӣ ба 31,3 млрд. сомонӣ расида, рушди воқеии он нисбат ба ҳамин давраи соли гузашта 7,5 фоизро ташкил намуд. Рушди ММД аз ҳисоби афзоиши воқеии ҳаҷми истеҳсоли маҳсулоти саноатӣ ба андозаи 12,5 фоиз, маҳсулоти кишоварзӣ 10,8 фоиз, гардиши савдои чакана 9,4 фоиз, гардиши мусофирон 12,9 фоиз ва хизматрасонии пулакӣ 0,9 фоиз таъмин гардидааст»,-гуфт Неъматулло Ҳикматуллозода.
Бино ба маълумоти вазир, гардиши савдои хориҷии ҷумҳурӣ дар нимсолаи якум ба 2136,9 млн. доллари ИМА ё 3,8 фоиз нисбат ба ҳамин давраи соли гузашта зиёд гардид, аз ҷумла содирот 570,6 млн. доллар ё 8,1 фоиз ва воридот 1566,3 млн. доллар ё 2,3 фоиз рушд ёфт.
«Тибқи маълумоти пешакии Вазорати молия, қисми умумии даромади Буҷети давлатии Ҷумҳурии Тоҷикистон дар моҳҳои январ-июни соли 2019 дар сатҳи 100,4 фоиз иҷро гардида, ба буҷет 10949,3 млн. сомонӣ маблағ ворид гардид (48,9 млн. сомонӣ зиёд), ки нисбат ба ММД 35,0 фоизро ташкил менамояд»,-илова намуд Вазири рушди иқтисод ва савдои Ҷумҳурии Тоҷикистон Неъматулло Ҳикматуллозода.
Дар Барселона имконоти сармоягузории Тоҷикистон муаррифӣ гардид
СОҲИБКОРӢ ҲАМ МАСЪУЛИЯТ МЕХОҲАД! Аз ҷониби кормандони Кумитаи бехатарии озуқаворӣ маҳсулоти гӯштии бесифат мусодира карда шуд
Фармони Президенти Ҷумҳурии Тоҷикистон «Дар бораи танзими музди меҳнат ва пардохти иловапулӣ ба музди меҳнати кормандони соҳаи технологияҳои иттилоотию коммуникатсионӣ» ба имзо расид
Муқовимат ба коррупсия омили муҳими рушди устувори Тоҷикистон аст
Дар Тоҷикистон 556,5 гектар боғҳои нав бунёд карда шуданд
ЗЕҲНИ СУНЪӢ ЧИСТ? Ва ё мошинҳои ҳисоббарор метавонанд ба монанди инсон фикр карда, қарор қабул намоянд?
Муҳлати лоиҳаи содагардонии расмиёти савдо дар Осиёи Марказӣ то соли 2029 тамдид карда шуд
Тоҷикистон ва Қирғизистон ҳамкориро дар соҳаи инноватсия ва технологияҳои рақамӣ тақвият медиҳанд
Намояндагони Тоҷикистон дар Форуми байналмилалӣ оид ба таҳкими ҳамкорӣ дар самти мубориза бо маводи мухаддир ва ҷинояткорӣ иштирок намуданд
Дар Душанбе Форуми 10-уми Осиёи Марказӣ оид ба идоракунии интернет – CAIGF 2026 баргузор шуд
Дар Душанбе нахустин конфронси байналмилалӣ оид ба мониторинг ва арзёбӣ баргузор шуд
Табодули мол байни Тоҷикистон ва давлатҳои иштирокчии Барномаи махсуси СММ барои иқтисодиёти Осиёи Марказӣ ба 2,1 миллиард доллар расид
