АВВАЛИН ФОРУМИ НАВИСАНДАГОНИ ОСИЁ. Ҷумҳурии моро дар он Шоири халқии Тоҷикистон Гулназар Келдӣ намояндагӣ мекунад
ДУШАНБЕ, 04.09.2019. /АМИТ «Ховар»/. Дар пойтахти Қазоқистон — шаҳри Нур-Султон аввалин Форуми нависандагони Осиё бо иштироки Президенти Ҷумҳурии Қазоқистон Қосим-Жомарт Токаев ба кори худ оғоз кард. Дар ин бора АМИТ «Ховар» бо истинод ба АИБ «Казинформ» хабар медиҳад.
Мақсад аз баргузории форум таҳкиму рушди минбаъдаи робитаҳои адабию фарҳангӣ байни кишварҳои қитъаи Осиё, муаррифии чеҳраи муосири давлати соҳибихтиёр, адабиёт ва арзишҳои маънавии Қазоқистон ва мубодилаи таҷриба бо кишварҳои Осиё оид ба рушди раванди адабӣ мебошад.
Миёни 80 нафар иштирокдорони даъватшуда аз 38 кишвар, номзадҳо ба Ҷоизаи Нобел низ ҳастанд.
Шоири халқии Тоҷикистон, муаллифи матни Суруди миллии Ҷумҳурии Тоҷикистон Гулназар Келдӣ, Раиси Ассотсиатсияи нависандагони Эрон Сайид Ҳодӣ Киёсарӣ, нависандаи Ҳиндустон, барандаи ҷоизаи «ASEAN» Муҳаммад Ҳоҷӣ Саллоҳ аз Малайзия, лауреати мукофоти байналмилалии Осиёи Ҷанубӣ Амар Митра, нависанда-ҳуҷҷатнигори Япония Такаси Ҳаясаки, номзад ба ҷоизаи Нобел Мэнд-Оео аз Муғулистон ва дигар нависандагони маъруф барои иштирок дар форум ба Нур-Султон омадаанд.
Шоири халқии Тоҷикистон, муаллифи матни Суруди миллии Тоҷикистон Гулназар Келдӣ дар аввалин Форуми нависандагони Осиё иштирок ва суханронӣ хоҳад кард.
Форуми имрӯза аз ду муҳокимаи панелӣ иборат аст, ки зимни онҳо иштирокдорон мушкилот ва масоили рушди адабиёти кишварҳои Осиёро баррасӣ мекунанд.
Аввалин Форуми нависандагони Осиё аз 4 то 6 сентябр баргузор мешавад.
Масоили баргузории Форуми нависандагони Осиё дар кишварҳои гуногун, таъсиси Ассотсиатсияи Иттифоқҳои нависандагони кишварҳои Осиё ва Кумитаи байналмилалии ташкил ва баргузории Форуми нависандагони Осиё, иштироки мунтазам дар форумҳои байналмилалии адабӣ, ярмаркаи китобҳо ва намоишгоҳҳои адабӣ ба баррасии иштирокдорони Форум пешниҳод гардидаанд.
Форуми мазкур бо дастгирии Дастгоҳи Президенти Ҷумҳурии Қазоқистон, Вазорати фарҳанг ва варзиши Ҷумҳурии Қазоқистон ва Иттифоқи нависандагони Қазоқистон баргузор мешавад.
Интизор меравад, ки аз рӯи натиҷаҳои форум муроҷиати ҳайатҳои иштирокдор роҷеъ ба масоили рушди фарҳанги Осиё қабул шавад.
«РОБИАИ БАЛХӢ–НАХУСТИН НИДОИ ИШҚ». Бахшида ба 1050-солагии Робиаи Балхӣ ҳамоиши илмӣ–адабӣ доир шуд
Дар Душанбе бо иштироки беш аз 30 муассисаи нашриявӣ намоиши китоб оғоз гардид
«TAJIKISTAN, UNA CULTURA DA SCOPRIRE». Нашрияи итолиёвӣ доир ба мероси таърихию фарҳангии тоҷикон мақола чоп намуд
Ҷашнвораи ҳаштуми байналмилалии театрҳои лӯхтак «Чодари хаёл» оғоз гардид
Пагоҳ Намоишгоҳи чордаҳуми байналмилалии «Китоби Душанбе» оғоз мегардад
Дар Тоҷикистон филми бо истифодаи зеҳни сунъӣ офаридаи коргардони тоҷик соҳиби ҷоизаи миллӣ шуд
«ТОҶИКИСТОН—КИШВАРИ ЁДГОРИҲОИ НОДИР». Ёдгориҳои таърихӣ ва мероси фарҳангии тоҷикон дар шаҳри Рим муаррифӣ гардиданд
Шералӣ Хоҷазода: «Намоиши осори бостонии тоҷикон дар Осорхонаи тамаддунҳои Рим эътирофи миллат дар арсаи байналмилалӣ аст»
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак оғоз мегардад
«ТОҶИКИСТОН-КИШВАРИ ЁДГОРИҲОИ НОДИР». Дар Рим ёдгориҳои нодири таърихию фарҳангии Тоҷикистон ба маърази тамошо гузошта мешаванд
«Шоҳҷоиза»-и сеюмин Синамоҷоизаи миллии «Тоҷи Сомон» ба филми «Дурахши ахтарон: Ҷомӣ ва Навоӣ» тақдим гардид
Ҷаласаи Шурои директорони киностудияҳои кишварҳои аъзои ИДМ доир шуд
