Дар Тоҷикистон риояи бечунучарои санадҳои байналмилалӣ дар соҳаи ҳуқуқи инсон ба роҳ монда шудааст

ДУШАНБЕ, 21.09.2019 /АМИТ «Ховар»/. 19 сентябр дар Варшава дар ҷаласаи кории ҳамоиши САҲА оид ба баррасии иҷрои уҳдадориҳо дар соҳаи ченаки инсонӣ бахшида ба озодиҳои асосӣ, аз ҷумла озодии гирдиҳамоиҳо ва иттиҳодҳо роҳбари ҳайати Тоҷикистон, ёрдамчии Президенти Ҷумҳурии Тоҷикистон оид ба масъалаҳои ҳуқуқӣ Зариф Ализода суханронӣ кард.

Тавре АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад, Зариф Ализода иштирокчиёни ҳамоишро бо таҷрибаи дар Тоҷикистон мавҷудаи додани ҳуқуқ ба гирдиҳамоиҳои осоишта ва озодии иттиҳодияҳо шинос кард. Тадбирҳои давлат дар риояи бечунучарои санадҳои байналмилалӣ дар соҳаи ҳуқуқи инсон зикр шуданд.

Инчунин Зариф Ализода далелҳои раднашавандаи тааллуқ доштани Ҳизби наҳзати ислом ба созмонҳои террористӣ ва ифротиро ироа намуд.

АКС: ВКХ ҶТ