Дар вилояти Суғд 10 590 кг маводи ороишию гигиенӣ нобуд карда шуд
ДУШАНБЕ, 16.09.2019 /АМИТ «Ховар/. Дар 8 моҳи соли равон дар вилояти Суғд 118 мағозаю анбор ва дӯконҳои фурӯши маводи ороишию гигенӣ, ғизои кӯдакона ва обҳои минералии дорои хусусияти табобатию пешгирӣ аз санҷиш гузаронида шуданд.
Ин санҷишро кормандони шуъбаи назорати давлатии маводи ороишию гигиении Сарраёсати Хадамоти назорати давлатии тандурустӣ ва ҳифзи иҷтимоии аҳолии вилоят гузарониданд.
Дар натиҷа аз 25 мағозаву дӯкон ва анборҳои санҷидашуда 158 номгӯй маводи ороишию гигиении шубҳанок барои муайян кардани таркибашон ба ташхисгоҳи Корхонаи воҳиди давлатии “Экспертиза ва озмоиши маҳсулоти фарматсевтию тиббӣ” интиқол дода шуд.
Инчунин аз 24 номгӯй маводи ороишию гигиении муҳлати истеъмолашон гузашта ва бе сертификати сифат ба миқдори 10 590 кг дар партовгоҳи шаҳри Хуҷанд нобуд карда шуд.
Дар мамлакат барои пешгирии маҳсулоти пастсифати ороишию гигиенӣ корҳои ташвиқотӣ ва тарғиботӣ гузаронида мешаванд. Вале аз ҷониби баъзе аз соҳибкорон то имрӯз дар мамлакат қонуншиканиҳо ба назар мерасанд, ки ҷони садҳо сокини мамлакатро ба хатар мегузоранд.
Ёдовар мешавем, ки дар ҳашт моҳи соли гузашта 105 ҳазору 285 кг маводи доруворӣ, молҳои тиббӣ, маводи ороишию гигиенӣ ва ғизои кӯдаконаи муҳлати истифодаашон гузашта, бе сертификати мутобиқат ва ба талабот ҷавобгӯй набуда бо роҳи сӯзонидан нобуд карда шудаанд.
Аз ин рӯ ҳар як фардро мебояд, ки зимни хариду истифодаи маводи доруворӣ, ороишию гигиенӣ ё ғизои кӯдакона ҷиддиву эҳтиёткор бошад. Дар сурати ошкор намудани маводи дорувории пастсифату қалбакӣ ё муҳлаташ гузашта шаҳрвандон метавонанд ба Хадамоти назорати давлатии тандурустӣ ва ҳифзи иҷтимоии аҳолии минтақаҳояшон хабар диҳанд.
Алоқаи боэътимод — дар ҳар гуна боду ҳаво
Пагоҳ дар Кумитаи забон ва истилоҳот, Кумита оид ба таҳсилоти ибтидоӣ ва миёнаи касбӣ, Маркази миллии тестӣ ва Муассисаи давлатии «Тоҷикфилм» нишасти матбуотӣ баргузор мегардад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар Кумитаи меъморӣ ва сохтмон, Агентии назорати маводи нашъаовар, Агентии «Тоҷикстандарт» ва корхонаи «Тоҷиксуғурта» нишасти матбуотӣ баргузор мегардад
Дар Конибодом бо усули «Мактаб ба мактаб» бо хонандагону волидайн вохӯриҳо баргузор мегарданд
Сокинони ноҳияи Рашт дар ҷашни Сада омодагиашонро ба корҳои кишоварзӣ изҳор доштанд
Имрӯз дар баъзе ноҳияҳои Тоҷикистон туман мефарояд
НИШАСТИ МАТБУОТӢ. Соли 2024 забҳи 586 сар чорвои мубталои бемории буғумдард пешгирӣ карда шуд
Ҷашни Сада дар шаҳри Ҳисор бо намоиши дастовардҳои кишоварзон пуршукуҳ таҷлил гардид
Кишоварзони фаъоли ноҳияи Зафаробод дар иди Сада кадрдонӣ гардиданд
«МАКТАБИ МОДАРОН». Дар Ёвон бо мақсади ба ҳаёти мустақилона омода намудани духтарон ҳамоиши тарғиботӣ доир шуд
